NEHEMIA 7:2 - BIBEL JAMITA NA DENGGAN

² Hupasahat ma na mamarenta kota Jerusalem tu anggingku si Hanani dohot tu si Hananya komandan ni benteng, harana sumurung do ia sian halak na asing, mabiar do ia tu Tuhan boti haposan ni roha.

NEHEMIA 7:2 Iomraidhean Croise

PAMUNGKAAN 42:18

Di ari patoluhon didok si Josep ma tu halahi, “Na burju do au mangoloi Debata, jana paluaonku do hosamunu dohot sada sarat.

2 SAMUEL 23:3

Madung mangkuling Debata ni Israel; didok pangondian ni Israel do tu au: “Muda sahalak jolma mamarenta rayatna mardongan hatigoran na mamimpin mardongan pangoloion tu Tuhan.

1 RAJA-RAJA 18:12

Muda kehe au sian on, mungkin do obanon ni Tondi Ni Tuhan amang tu inganan na so huboto! Jana muda hupaboa tu si Ahab na dison amang, hape nada marsuo ia tu amang, tontu bunuonnia ma au, haru pe na marsitutu au na maribadat i tu Tuhan sian na menek.

1 RAJA-RAJA 18:3

Jadi gabe dipiohon si Ahab ma anso ro si Obaja mangadop. (Sirajai arta di bagas ni raja do anggo si Obaja. Halak na burju do ia jana na ringgas marsomba tu Tuhan.

NEHEMIA 1:2

Ro do di hatiha i kahanggingku si Hanani sian Juda rap dohot piga-piga halak. Jadi husapa-sapai ma halahi taringot tu pangalaho na masa di Jerusalem dohot taringot tu angka halak Jahudi na mulak sian habuangan na di Babel.

NEHEMIA 13:13

Hutongoskon ma Malim Selemia, si Zadok Ahli Uhum i dohot si Pedaya halak Levi i laho mangawasi angka kamar panyimpanan i. Hutugaskon muse si Hanan anak ni si Zakur jana pahompu ni si Matania i mangurupi halahi. Angke huboto do haposan do halahi jana uruson ni halahi do pambagi ni bahan-bahan i tu angka dongan sakarejo ni halahi satigor-tigorna.

NEHEMIA 2:8

Tamba ni i, laing hupangido dope surat tu si Asap panjago ni harangan harajaan, anso dipasingkop ia hayu sibaenon tu pintu horbangan ni benteng na manjagohon Bagas Ni Tuhan, dohot sipakeon di tembok ni kota dohot bagas na giot ingananku. Dioloi raja i do sude pangidoanki, dibaen ditolong Debata do au.

NEHEMIA 5:15

Anggo angka gubernur painte so au, na gabe boban do di rayat harana dituntut halahi do opat pulu hepeng perak sadari biaya ni sipanganon dohot anggur. Salang angka hatoban ni halahi pe antong dohot do mamisat rayat i. Tapi anggo au nada hubaen na songon i dibaen mabiar do au mida Debata.

NEHEMIA 7:3

Hudok ma tu halahi, “Anggo Pintu Horbangan ni Jerusalem angkon jolo torang do ari anso tola bukaon jana angkon tutupon jana dipalang painte so abis karejo ni panjago andospotang. Tamba ni i, angkon ditodo do piket ni panjago sian tonga-tonga ni halak Jerusalem, deba ma i di angka pos manjago jana na deba nari ma i mangaronda di humaliang ni bagas ni halahi.”

JOB 1:1

Di tano Us maringanan ma sada bayo na margoar si Job. Marsomba tu Debata do ia jana setia tuSia. Halak na burju do pangalahonia jana saotik pe nada dibaen ia hajahatan.

MASMUR 101:6

Mida halak na haposan, jop do rohangku; tola do halahi maringanan di bagasku. Halak na so targora di ngoluna tola ma mangoloi iba.

HARURUAR 18:21

Tapi tamba ni i muse, angkon laing pilionmu do piga-piga halak na malo jana na bisa dihaposi gabe pamimpin ni bangso i: Pamimpin ni saribu halak, saratus, lima pulu dohot sampulu halak. Dumenggan muda angka halak na mabiar mida Tuhan halahi, haposan jana na so ra manjagit hepeng suruk.

DANIEL 6:4

Manigor torang ma tarida na dumenggan parkarejoan ni si Daniel ulang pado angka gubernur dohot angka parpangkat na gincat na asing i. Hara ni i, por ma roha ni raja i giot mangangkat ia gabe parkuaso di sude harajaan i.

BILANGAN 12:7

Tapi nada songon i muda mangkatai Au dohot si Musa pangoloingKi. Madung Hupasahat tusia karejo mamimpin bangsongKu Israel.

MATEUS 24:45

“Antong ise ma naposo na burju jana na marroha, na niangkat ni tuanna gabe kapala ni sude naposonia na asing i; anso dilehen ia mangan angka naposonia i di hatihana?

MATEUS 25:21

‘Ma denggan i,’ ning tuan i, ‘ho ma ibana naposo na burju jana na denggan. Angke haposan do ho di na otik, hulehen ma pos ni rohangku tu ho taringot tu na umbahat. Dohot ma ho masuk marsonang-sonang rap dohot au!’

1 KORINTUS 4:2

Anggo na dipangido sian halak na gabe pangoloi i ma, angkon sihaposan do ia.

2 TIMOTEUS 2:2

Pangajaran na nibegemu sian au di jolo ni halak na bahat, pasahat ma i tu angka dongan sanga ise na tarhaposi roha jana na malo mangajari halak na asing.