NEHEMIA 6:9 - BIBEL JAMITA NA DENGGAN

⁹ Na mancubo mambiar-biari hami ma halahi anso hami antak karejo i. Martangiang ma au, “Ale Debatangku, pargogoi ma au!”

NEHEMIA 6:9 Iomraidhean Croise

2 JUJUR TAON 15:7

Tapi angkon sobar do hamu jana barani. Manjadi do usahamunu i.”

2 JUJUR TAON 32:18

Disurak-surakkon angka utusan ni Asur i ma sudena i di hata Ibrani laho mambiar-biari dohot pagalehon semangat ni angka halak Jerusalem na adong di ginjang ni tembok ni kota i. Jadi songon i ma dibaen halak Asur i laho manaluhon kota i.

ESRA 1:6

Dohot do sude hombar bagas ni halahi mambantu marhite na mangalehen barang-barang, angka parkokas perak rupani, sere, balanjo di dalan, binatang boban, angka harto na asing dohot angka sihaulkonon di Bagas Ni Tuhan.

NEHEMIA 6:14

Martangiang ma au, “Ale Debata, sai ingot ma na nibaen ni si Tobia dohot si Sanbalat i. Uhumi ma halahi! Songon i panurirang dadaboru na margoar si Noaja dohot angka panurirang na asing i na mambiar-biari au.”

MASMUR 138:3

Mangalusi do Ho muda pio-pio au tu Ho, marhite hagogoanMu, au dipargogoi Ho.

MASMUR 56:3

Muda mabiar au, mararop roha tu Ho do au.

MASMUR 68:35

Homang ma da roha mida tangan ni Debatanta muda ruar Ia sian parmiananNia. Dilehen Debata ni Israel do di bangsoNia hagogoan dohot kuasoNa. Puji-pujian ma di Debata!

MASMUR 71:1

Marsiholip tu Ho do au, ale Tuhan, ulang padiar au dipaila.

JESAYA 40:29

Dipargogoi Ia halak na gale, dilehen Ia kuaso di halak na dae-dae.

JESAYA 41:10

Ulang ho mabiar Au do rap dohot ho, Au do Debatamu, ulang heput ho. Hupatogu do ho, Hulehen pangurupion, Huondihon jana Hupalua ho.

JEREMIA 38:4

Jadi kehe ma angka pagawe i mandapotkon raja i jana didok halahi ma, “Angkon mate niuhuman do bayo on. Angke hara ni na nidoknia songon i, gabe gale do roha ni angka parajurit dohot halak na asing na adong dope di kota on. Nada diurupi ia rayat i, tapi diago ia do.”

JEHESKIEL 30:24

Jadi pargogoanKu ma tangan ni raja ni Babel, jana Hubaen podangKu di tangannia i. Tapi anggo tangan ni raja ni Mesir i tipulkononKu ma i lopus mangarar ia jana mate di adopan ni raja ni Babel, musuna i.

ZAKARIA 10:12

PargogoanKu ma bangsongKu, oloanna jana marsomba ma halahi tu Au. Au Tuhan, mandok songon i.”

2 KORINTUS 12:9

Hape dialusi Tuhan ma, “Tuk ma asi ni rohangKu mida ho, harana di bagasan hagaleon do kuasongKu gabe singkop.” Hara ni i ma umbaen na sai por rohangku mamuji hagaleanku, angke muda gale au, topet ma disi huhilala diondihon hagogoan ni Kristus au.

EPESUS 3:16

Hutangiangkon do anso lomo nian roha ni Debata na sun marmulia i laho patoguhon rohamunu dohot TondiNia i.

EPESUS 6:10

Ujungna, sai margogo ma hamu markite-hite gogo na nijagitmunu sian kuaso ni Tuhan, angke madung sada hamu dohot Tuhan i.

PILIPPI 4:13

Markite-hite kuaso na nilehen ni Kristus i tu au, taradopi au do sude ragam-ragam ni angka na masa.

IBRANI 12:12

Hara ni i, pargogoi hamu ma tanganmunu na gale dohot patmunu na humitir-hitir i mardalan!

1 PETRUS 5:10

Tapi dung ditaon hamu santongkin parkancitan i, Debata sandiri noma mambaen hamu gabe sanggam. PajongjongonNia ma hamu jana patoguonNia dohot parjugukmunu pe pahotonNia muse ma. Angke Debata parroha na sun denggan do Ia, na mamiohon hamu anso dohot mangkilala hasangapanNia na manongtong i markite-hite Kristus.

1 SAMUEL 30:6

Giot marmara tutu do si Daud, dibaen sun do marsakna parangan ni si Daud i hara ni na agoan anak dohot dadaboru. Jadi gabe giot didangguri halahi do si Daud dohot batu. Jadi targogot situtu ma si Daud, tapi laing dipatogu Tuhan Debatania mangulahi rohania.