NEHEMIA 6:2 - BIBEL JAMITA NA DENGGAN

² Jadi martona ma si Sanbalat dohot si Gesem tu au anso ro au mambaen parsuoan dohot halahi di sada huta di Rura Ono. Tapi huboto do bahaso na giot mambaen mara do halahi tu au,

NEHEMIA 6:2 Iomraidhean Croise

2 SAMUEL 20:9

Didok si Joab ma tu si Amasa, “Aha do barita, dongan?” ning ia lalu ditiop ia janggut ni si Amasa dohot tangannia siamun tarsongon na giot mangumma ia.

2 SAMUEL 3:27

Disi lalu si Abner di Hebron, dipiohon si Joab ma ia tu lambungnia, tu lambung ni pintu horbangan i tarsongon na giot mangkobari sada rahasia. Dung i ditiham si Joab ma butuha ni si Abner i lalu mate. Songon i ma si Abner hona bunu dibaen si Joab laho mambaloskon pamunuon tu si Asael angginia i.

1 JUJUR TAON 8:12

Anak ni si Elpaal adong do tolu: Si Eber, si Misam, si Semed. Si Semed ma na mamungka kota di Ono dohot Lod maradu angka pagaran na humaliang i.

NEHEMIA 11:35

Lod, Ono, dohot di Rura ni angka Tukang.

NEHEMIA 3:22

Angka tembok udut ni sinangkin dipadenggan angka malim, songon on ma parjojorna: Angka malim na so sadia dao maringanan sian Jerusalem. Si Benyamin anak ni si Hasub: Tembok na di jolo ni bagas ni halahi. Si Asarya anak ni si Maaseya, anak ni si Ananya: Tembok na di lambung ni bagasnia i. Si Binui anak ni si Henadad: Tembok na sian bagas ni si Asarya lopus tu suhi ni tembok. Si Palal anak ni si Usai: Tembok na sian suhi-suhina i dohot palas-palas ni bagas godang bagian parginjang na di lambung ni alaman panjagoan. Si Pedaya anak ni si Paros: Tembok i lopus tu jolo ni Pintu Horbangan Aek na di sabola Habincaran dohot palas-palas panjagoan ni Bagas Ni Tuhan. (Nada sadia dao sian i adong do sada inganan na margoar Ofel, inganan ni angka parkarejo ni Bagas Ni Tuhan.)

NEHEMIA 6:3

jadi gabe hutongos ma alus tu halahi songon on, “Nada tarbaen dibaen adong topet karejongku na penting. Nada ringkot rohangku palambatkon karejo i hum hara ni na giot marsuo dohot hamu.”

MASMUR 12:2

Sude do halahi, marsigabusan, manipu dohot angka hata na tabo tu parbinegean.

MASMUR 37:12

Parjahat i martahi na jahat, jana magigi do Ia paida-ida halak na daulat.

MASMUR 37:32

Anggo parjahat sai na mangintip do i tu halak na denggan, jana manjalahi haputusan laho mamunusa.

PARJAMITA 4:4

Laing huboto muse dope bahaso songon i situtuna jolma markarejo, hum hara ni na mangiburu paida-ida pandapotan ni hombar bagasna. Magopo do sudena i songon karejo na manangkup angin.

JEREMIA 41:2

disintak si Ismael dohot sisampulu halak i ma podang ni halahi jana dibunu ma si Gedalya.

JEHESKIEL 33:31

Ro do halahi marbahat-bahat songon bangsongKu, tangihonon ni halahi do angka hata na nidokmu, tapi anggo na niparentahonmu nada diterge halahi. Hata holong ni roha do dipajojor bibir ni halahi, tapi anggo rohana di bagasan hum mamikiri untung sajo do.