NEHEMIA 6:15 - BIBEL JAMITA NA DENGGAN

¹⁵ Lima pulu dua ari honokna na padenggan tembok i jana sidung ma di tanggal dua pulu lima bulan Elul.

NEHEMIA 6:15 Iomraidhean Croise

ESRA 6:14

Dipatorus angka pamimpin ni Jahudi i ma pambangunan ni Bagas Ni Tuhan i mardongan panyosoi ni Panurirang Hagai dohot Panurirang Zakaria, anak ni si Ido. Dipasidung halahi ma pambangunan i hombar tu parenta ni Debata ni Israel dohot parenta ni si Kores, si Darius dohot si Artahsasta, angka raja ni Persia i.

ESRA 6:15

Sidung ma sude Bagas Ni Tuhan i di tanggal tolu bulan Adar di taon paonomkon mamarenta Raja Darius.

NEHEMIA 7:1

Dung sidung tembok i dibangun, husuru ma anso dipasang angka pintuna i. Jadi husuru ma angka panjago pintu horbangan, angka parende dohot angka halak Levi marsikarejohon karejona be.

MASMUR 1:3

Tarsongon hayu na di topi ni batang aek do ia, na marbatu di hatihana, boti pe nada jungada malos bulungna, mardohar do halahi di na nikarejohonna.

MASMUR 147:2

Mulak ma suang Jerusalem baenon ni Tuhan, obanonNia noma mulak angka halak na tarbuang.

DANIEL 9:25

Boto jana astui ma on: Salpu ma pitu noli pitu pulu taon, mamungka sian na diparuar parenta laho mambangun Jerusalem mangulahi lopus tu haroro ni sada pamimpin na nitodo ni Debata. Pitu noli onom pulu dua taon honokna paulion ma mangulahi angka dalan dohot angka tembok ni Jerusalem, tapi gok hamaolon do hatiha i.