NEHEMIA 6:14 - BIBEL JAMITA NA DENGGAN

¹⁴ Martangiang ma au, “Ale Debata, sai ingot ma na nibaen ni si Tobia dohot si Sanbalat i. Uhumi ma halahi! Songon i panurirang dadaboru na margoar si Noaja dohot angka panurirang na asing i na mambiar-biari au.”

NEHEMIA 6:14 Iomraidhean Croise

NEHEMIA 13:29

Martangiang ma au, “Ale Debatangku, ingot ma sanga na bia dibaen halahi pahodarkon jabatan hamalimon i jana ingot ma parjanjianna dohot angka malim bope dohot angka halak Levi!”

NEHEMIA 5:19

Pangidoanku ale Debata, ingot ma sasude na dung hubaen i di bangso on jana pasupasu ma au.”

MASMUR 137:7

Ale Tuhan, ingot ma pambaenan ni halak Edom, dompak na ro halahi manaban Jerusalem. Sai marpupu didok halahi, “Unggalkon ma lalu tu ojahanna i!”

MASMUR 22:1

Debatangku, Debatangku, biasi ditinggalkon Ho au? Pio-pio au, hape tongtong Ho dao, pangurupiMu nada jungada ro.

MASMUR 63:1

Ale Debata, Ho do Debatangku hujalahi jana huhalungunkon do Ho. Songon tano gariang na mahiang na manguas di aek, songon i ma tondingku manguas di Ho.

HARURUAR 15:20

Dung i dibuat si Miryam, i ma sada panurirang, iboto ni si Harun ma rapanonia jana sude dadaboru rap mamalu rapano lalu manortor.

JEREMIA 14:15

Didok halahi ma mangasahon goarKu bahaso na so tondongon ni parporangan luat on sanga haleon, hape nada Husuru halahi mandok songon i. Au Tuhan, giot paboaonKu tu ho Jeremia, sanga aha na giot baenonKu tu angka panurirang na so Husuru i. BunuonKu ma halahi marhite porang dohot tangkuraparon.

JEREMIA 14:18

Muda kehe au tu padang, huida ma angka bangke na nipangan ni porang. Di bagasan kota huida parkancitan; angka jolma na giot mate malean. Didalankon panurirang dohot malim langgamanna so diboto sanga aha na nipambaenanna.”

JEREMIA 28:1

Laing di bagasan taon i, di bulan lima taon paopatkon dung mamarenta Raja Zedekia mangkuling ma tu au si Hananya anak ni si Asur sada halak panurirang sian kota Gibeon, di Bagas Ni Debata. Dijolo ni angka malim dohot rayat didok ia tu au,

JEREMIA 28:10

Dung i dirampas si Hananya ma auga na di tangkuhukki jana ditipulkon ia.

JEREMIA 28:15

Hupalalu do sudena i tu si Hananya, jana hudok muse dope, “Tangihon ma ale Hananya! Nada Tuhan marsuru ho, jana madung dibaen ho bangso on porsaya tu hata na so tutu.

MATEUS 24:11

Bahat muse ma marroan angka panurirang pargabus. Paoto-otoon ni halahi ma bahat halak.

MATEUS 24:24

Harana, marroan do disi angka kristus pargabus dohot angka panurirang pargabus. Patupaon ni halahi ma angka pambaenan na luar biasa dohot angka na pahomang roha laho paoto-otohon halak. Sugari tarbaensa, dohot bangso ni Debata i pe giot paoto-otoon ni halahi muse do.

MATEUS 7:15

“Jago-jago ma hamu tu angka panurirang pargabus. Songon biri-biri do idaon haroro ni halahi tu hamu, tapi anggo di bagasan satutuna songon sorigala panyoro do halahi.

2 TIMOTEUS 3:8

Songon si Janes dohot si Jambres na mangalo si Musa najolo, laing songon i ma jolma sisongon i mangalo pangajaran na sian Debata. Masego pikiran ni halahi jana nada porsaya be halahi tu pangajaran na sintong.

1 JOHANNES 5:16

Muda adong diida hamu dongan Kristen mambaen dosa na so pola mambaen hamatean, sitangiangkononmunu do i tu Debata; jana lehenon ni Debata ma ngolu di halak na songon i, i ma tu halak na mambaen dosa na so pola mambaen hamatean i. Tapi adong do dosa na mambaen hamatean, jana nada hudok anso tangiangkononmunu dosa na songon i tu Debata.

HALUMBAAN 19:20

Gabe tartangkup ma binatang i rap dohot panurirang pargabus na pabaen-baen angka tanda hahomangan di jolo ni binatang i. (Angka tanda hahomangan i do dibaen binatang i paoto-otohon angka jolma na mamake tanda ni binatang i dohot angka jolma na manyomba patung ni binatang i.) Jadi didanggurkon ma binatang i dohot panurirang pargabus i mangolu-ngolu tu bagasan laut api na gara-gara dohot barerang.