NEHEMIA 5:5 - BIBEL JAMITA NA DENGGAN

⁵ Nada he laing halak Jahudi hami? Nada he dos dakdanaknami dohot angka dakdanak Jahudi na asing i? Haru songon i pe tarpaksa hami padiar angka dakdanaknami i gabe hatoban. Adong dope tehe sian angka borunami na gabe hatoban sigadison. Nada adong be gogonami harana ladang dohot kobun anggurnami madung hami gadehon.”

NEHEMIA 5:5 Iomraidhean Croise

PAMUNGKAAN 29:14

didok si Laban ma, “Olo, tutu do sudena i, na samudar do ho dohot au.” Di bagas i ma maringanan si Jakob sabulan.

PAMUNGKAAN 37:27

Tagadis ma tu halak Ismael i. Jadi nada porlu parkancitanta ia; sanga na bia pe laing na angginta do da ia, dongan samudarta.” Gabe satuju ma angka kahangginia i di usul i,

2 RAJA-RAJA 4:1

Sanoli ro ma sahalak na manghabaluhon sada panurirang tu si Elisa, didok ma, “Amang, madung jumolo halaklahingku! Tangkas do diboto amang haburjuonnia mangoloi Debata, tapi marutang do ia tu halak. Saonnari giot buaton ni bayo i ma anakku na dua i giot baenonnia gabe hatobannia.”

PODA 22:7

Guru dok ni paradongan do halak na pogos gabe hatoban ni parsingir do parutang.

JESAYA 50:1

Songon on do hata ni Tuhan: “Di dia ulaning surat sirang ni inangmu tanda na Huusir ia? Sanga tu ise dehe sian parsingiranKu, jungada Hugadis ho? Satutuna, hara ni hasalaanmu sandiri do umbaen na targadis ho, jana hara ni pangalaosimu sandiri do umbaen na diusir inangmu.

JESAYA 58:7

Bagi hamu ma panganonmunu tu halak na malean jana jagit hamu ma masuk tu bagasmu angka halak na mompas-ompas. Muda diida hamu halak na marsaemara lehen hamu pakean tu halahi, jana ulang tulak hamu sisolkotmu na manghaporluhon pangurupionmu.

MATEUS 18:25

nada targararsa be utangna i. Jadi didok raja i ma anso nigadis bayo i rap dohot sude halahi na sabagas dohot sude sinadongannia laho manggarar utangnia i.