NEHEMIA 5:15 - BIBEL JAMITA NA DENGGAN

¹⁵ Anggo angka gubernur painte so au, na gabe boban do di rayat harana dituntut halahi do opat pulu hepeng perak sadari biaya ni sipanganon dohot anggur. Salang angka hatoban ni halahi pe antong dohot do mamisat rayat i. Tapi anggo au nada hubaen na songon i dibaen mabiar do au mida Debata.

NEHEMIA 5:15 Iomraidhean Croise

PAMUNGKAAN 20:11

Dialusi si Abraham ma, “Na huambang do na so adong na mabiar mida Debata dison, jana ning rohangku bunuon ni halak na dison ma au laho mambuat dongan saripengki.

PAMUNGKAAN 42:18

Di ari patoluhon didok si Josep ma tu halahi, “Na burju do au mangoloi Debata, jana paluaonku do hosamunu dohot sada sarat.

NEHEMIA 5:16

Sude gogongku huusehon do tu pambangunan ni tembok i jana saotik pe nada hubuat tano gabe balosna, haru pe sude pambantungku dohot markarejo di pambangunan i.

NEHEMIA 5:9

Jadi hudok muse ma, “Nada denggan parbuatanmunu i! Angkon mabiar hamu nian sugari tu Debata di ngolumunu. Sugari songon i ma baenonmunu anso ulang dilehen hamu dalan di musunta na so martuhan i laho palayaskon hita.

JOB 31:23

Nada na ra iba mambaen songon i, angke uhuman ni Debata mambaen heput roha disi.

MASMUR 112:1

Martua ma na burju na marjop ni roha patuluskon parenta ni Tuhan.

MASMUR 147:11

Lomo do roha ni Tuhan tu halak na burju, tu halak na tongtong mararop ni roha tu holongNia.

PODA 16:6

Setia jana porsaya ma ho, gabe sesaon ma dosamu, jana oloi ma Tuhan anso dao ma hajahaton sian ho.

PODA 29:12

Muda diparrohahon na markuaso do barita na so tutu, pagawena pe gabe pargabus do sude.

JESAYA 50:10

Ale hamu na pasangap Tuhan Debata, jana na mangoloi hata ni naposoNia, betak na golap do dalan na nibolusmunu, tapi laing porsaya ma tu Tuhan, Ia ma pangasahon hamu!

JEREMIA 32:9

Jadi hutobusi ma tano i sian si Hanameel, hutimbang ma hepeng disia: pitu bolas sikal perak argana.

ANDUNG 5:8

Diparenta angka hatoban noma hami nada adong na margogo palua hami sian halahi.

MATEUS 5:47

Muda hum donganmunu do dijalang hamu, aha ma pola surungmunu disi?

2 KORINTUS 11:9

Haru hurangan pe au di hatiha i, nada adong sanga ise pe sian hamu na gabe susa hubaen. Sanga aha na porlu di au, angka dongan na sian Makedonia do pasingkopkon. Tongtong do hujago sadenggan-dengganna anso ulang jabat hususai sanga ise pe sian hamu sanga na bia pe pangalahona jana sai hujagohon do anso laing tongtong songon i.

2 KORINTUS 12:13

Taringot tu aha ma he na hurang nipardulihon hamu, muda nipartimbangkon tu angka parlagutan na asing, asing ni sasada on, i ma bahaso au sandiri nada gabe boban tu hamunu. Anju hamu ma au di hasalaanki!

1 SAMUEL 8:15

Baenonna ma pajak ni ladang dohot kobun anggurmunu saparsampulu sian suhana, jana lehenonna ma i tu angka parpangkat dohot tu angka pagawena.