NEHEMIA 5:10 - BIBEL JAMITA NA DENGGAN

¹⁰ Au sandiri angka kahanggingku dohot angka donganku, hami painjamkon do hepeng dohot gandum tu rayat i. Ulang be tapangido i mulak.

NEHEMIA 5:10 Iomraidhean Croise

NEHEMIA 10:32

Ganop taon sumbangkononnami ma perak lima gram baen parbalanjoan di Bagas Ni Tuhan.

NEHEMIA 5:11

Sesahon hamu ma antong angka utang ni rayat i tu hamu, bope na marrupa hepeng sanga na gandum, bope anggur sanga miak zetun. Manigor paulak hamu ma ladang, kobun anggur, kobun zetun dohot bagas ni halahi!”

NEHEMIA 5:7

jana huputuskon ma laho mambaen tindakan. Jadi hugorahon ma angka hatobangon dohot pamimpin ni rayat i. Hudok ma, “Dipisat hamu do angka kahanggimunu sandiri!” Dung i hubaen ma sada rapot godang laho mangurus pangalaho i,

NEHEMIA 5:9

Jadi hudok muse ma, “Nada denggan parbuatanmunu i! Angkon mabiar hamu nian sugari tu Debata di ngolumunu. Sugari songon i ma baenonmunu anso ulang dilehen hamu dalan di musunta na so martuhan i laho palayaskon hita.

MASMUR 15:5

jana painjamkon hepeng so marbunga; na so giot manjagit hepeng suap laho mangarugi i halak na so marsala. Halak na mambaen songon i tongtong sonang nada adong manyusai.

JESAYA 58:6

Songon on do puaso na Huhagioti: Harkari hamu ma rante ni hajahatan dohot tali ni angka auga, jana palua hamu angka halak na niparkancitan ponggolkon hamu ma sude auga.

JEHESKIEL 18:13

Painjamkon pe ia angkon marbunga. Mangolu ma he giot ni jolma na songon i? Nada! Dibaen ia do sude parbuatan hagigian i, jana na giot mate do i! Jana parbuatanna sandiri do mambaen hamateannia.

JEHESKIEL 18:7

Nada jungada ia mangicu sanga manangko. Angka barang jaminan ni utang ni halak tusia sai dipaulak ia do. Halak na malean dilehen ia do mangan jana halak na so marpakean, dilehen ia do parabiton.

JEHESKIEL 18:8

Nada jungada pasalihon ia mardongan bunga. Nada ra ia mambaen hajahatan, jana di bagasan sude parsalisian dibaen ia do haputusan na tigor.

MIKA 2:1

Marjaya ma angka jolma na mambaen sangkap hajahatan taran modom di podomanna borngin-borngin, lalu dipadalan ia sangkap i dung torang ari hara ni na tumbuk tarpadalan ia.

2 KORINTUS 5:11

Hami boto do tangkas, sanga songon dia na nidok mangkabiari Debata; i do umbaen na manggogo hami papos roha ni halak na asing. Tangkas sajo do hami ditanda Debata, jana pos muse do rohangku torang muse au di bagasan rohamunu.

2 KORINTUS 5:20

Partonaan ni Kristus do hami. Mandok hata pe hami tu hamu, songon na Debata sandiri do na mangkobari tu hamu. Mangasahon goar ni Kristus gomos ma hami pangido tu hamu, sai ra ma hamu dipadenggan dohot Debata.

2 KORINTUS 6:1

Tapi songon dongan saparkarejoan do hami podai hamu, gomos ma hami pangido tu hamu, ulang ma parsayang hamu hadengganan ni roha ni Debata i.

PANGARATAION 15:2

Songon on ma pambaenna. Ganop halak Israel na painjamkon hepeng tu dongan sabangsona, angkon sesaonna ma utang i. Tuhan sandiri do na manyesa utang i, jadi nada tola tungguonmunu be i.