NEHEMIA 4:7 - BIBEL JAMITA NA DENGGAN

⁷ Di na tarbege tu si Sanbalat, si Tobia dohot angka halak na sian Amon dohot Asdod maradu angka halak Arab bahaso na dung mur maju na padenggankon tembok ni Jerusalem i jana na dung mamungka ditutup angka lubang-lubang na di tembok i, gabe sun ma muruk ni halahi.

NEHEMIA 4:7 Iomraidhean Croise

PAMUNGKAAN 3:15

Marsihosoman ma ho dohot dadaboru i. Marsalisi ma torus pomparanna tu pomparanmu. Ropukkonon ni pomparannia ma ulumu jana turbingonmu ma tambihulna.”

2 RAJA-RAJA 24:2

Jana laing songon na nidok ni Tuhan marhite angka panurirang naposoNia i, ditongos Tuhan ma angka garombolan na marsinjata sian halak Babel, Siria, Moab dohot Amon laho mangalo si Joyakim jana dipasude ma Juda.

2 JUJUR TAON 20:1

Dung adong sadia honok ro ma tentara ni Moab dohot Amon rap dohot angka dongan ni halahi tentara ni Meunim mamorangi Juda.

ESRA 5:8

Diarop roha torang di raja i, bahaso na dung kehe hami tu propinsi Juda na hami ida anggo Bagas Ni Tuhan, Debata Na Bolon i, hatiha dibangun ma mangulahi dohot angka batu na godang-godang dohot angka tembok na nilampisan dohot hayu. Manat situtu do dibaen panjama ni karejo i jana lancar do pardalanna.

NEHEMIA 2:10

Tapi di na tarbege tu si Sanbalat halak Bet-Horon i dohot tu si Tobia halak Amon i bahaso na dung ro au i ma taringot tu haporluan ni bangso Israel, gabe lebak sajo ma dihilala halahi.

NEHEMIA 2:19

Di na tarboto sangkapnami i tu si Sanbalat, si Tobia dohot si Gesem halak Arab i, dipartatai halahi ma hami mangincahi hami. Didok halahi ma, “Aha dehe na giot baenonmunu? Na giot mangalo dehe hamu tu raja?”

NEHEMIA 4:1

Di na nibege ni si Sanbalat na padenggankon tembok ni kota hami, halak Jahudi, gabe biraraon ma ia muruk jana dipungka ia ma mangincahi hami.

NEHEMIA 4:6

Anggo hami laing hami toruskon do na padenggankon tembok i, jana nada sadia honok nari dung i, sidung ma dipadenggan sude tembok i lopus satonga gincatna, harana marsemangat do antong rayat i na mangharejohon i.

NEHEMIA 4:8

Marpokat ma halahi giot mangaroro Jerusalem laho patubu hagaoron.

NEHEMIA 6:16

Dung tarbege pangalaho i tu angka musunami sian tonga-tonga ni angka bangso na humaliang i, mabiar ma halahi martilako, angke sude do halak umbotosa bahaso na niurupan ni Debata do karejo i dipatulus.

JEREMIA 41:10

Dung i ditangkup si Ismael ma angka boru ni raja i dohot sude halak na adong dope di Mispa i ma angka na nipasahat ni si Nebusaradan tu si Gedalya sijagoonnia. Ditangkup ia ma halahi lalu kehe ma ia rap dohot halahi tu sabola Luat Amon.

AMOS 1:13

Didok Tuhan, “Marpupu do mardosa halak Amon, hara ni i angkon hona uhum halahi baenonKu. Di na marporang halahi laho pabidang tano ni halahi, dilapa halahi do angka ina na denggan pamatangna di Gilead.

AMOS 1:8

PangabisonKu ma angka parkuaso na di Asdod dohot Askelon. UhumanKu kota Ekron, jana marmatean ma sude halak Pilistin na teba i.”

AMOS 3:9

Pabotohon ma on tu angka jolma na maringanan di bagas godang ni Mesir dohot Asdod, “Marlagut ma hamu di angka dolok na humaliang Samaria, jana pamanat hamu ma hasursaran godang dohot angka hajahatan na dipambaeni disi.”

BAENON NI ANGKA RASUL 5:33

Jadi dung dibege halahi na songon i muruk sajo ma halahi, jana martahi ma halahi laho mamatehon angka rasul i.

HALUMBAAN 12:17

Mur gilap ma naga i tu dadaboru i, gabe kehe ma ia mangaroro na asing pinompar ni dadaboru i, i ma sasude halak na marmomosi tona ni Debata dohot angka na maniop hasaksian ni Jesus Kristus.

1 SAMUEL 11:2

Dialusi si Nahas ma, “On ma saratna anso ra au mambaen parjanjian, ‘Pulsikkononku ma sude mata siamunmunu songon habilean maradopkon sude Israel!’ ”