NEHEMIA 4:3 - BIBEL JAMITA NA DENGGAN

³ Si Tobia na jongjong di lambungnia i pe, mandok hata muse ma, “Ligi hamu ma tembok na nibangun ni halahi i! Anjing harangan pe, tarrumpakkonsa do i!”

NEHEMIA 4:3 Iomraidhean Croise

1 RAJA-RAJA 20:10

“Suruon ni rajanami i ma tentara bahat sajo laho mangarorak kotamon, jana taroban halahi do abu ni tapor-tapor ni kotamon dohot tangan ni halahi. Madung disumpahon ia anso diuhumi debata i, salang dimatehon pe jadi, anggo inda dipatulus ia songon i!”

1 RAJA-RAJA 20:18

Jadi diparentahon si Benhadad ma anso ditangkupi tentara i mangolu-olu, nada pola parduli sanga na giot marporang haroro ni halahi sanga na giot mardame.

2 RAJA-RAJA 18:23

Saonnari tahan ma au martaru mangasahon goar ni raja Asur, sugari dilehen pe di hamu dua ribu kudo, pasti nada adong halak dapot hamu sabahat ni i manenggetsa!

NEHEMIA 2:10

Tapi di na tarbege tu si Sanbalat halak Bet-Horon i dohot tu si Tobia halak Amon i bahaso na dung ro au i ma taringot tu haporluan ni bangso Israel, gabe lebak sajo ma dihilala halahi.

NEHEMIA 2:19

Di na tarboto sangkapnami i tu si Sanbalat, si Tobia dohot si Gesem halak Arab i, dipartatai halahi ma hami mangincahi hami. Didok halahi ma, “Aha dehe na giot baenonmunu? Na giot mangalo dehe hamu tu raja?”

NEHEMIA 6:1

Tarbege ma tu si Sanbalat, si Tobia, si Gesem halak Arab i dohot angka musunami na asing i na dung sidung hami padenggankon tembok i jana na dung martutup sude lubangna i, haru pe na so hami pasang dope di hatiha i angka bulung ni pintuna di angka pintu horbangan ni kota i.

ANDUNG 5:18

Madung sego jana lungun Dolok Sion; sorigala disi mardalan-dalan.

PANGARATAION 23:3

Angka halak Amon dohot Moab maradu pomparan ni halahi lopus tu sundut pasampuluhon nada tola gabe anggota ni bangso ni Tuhan.