NEHEMIA 4:23 - BIBEL JAMITA NA DENGGAN

²³ Au sandiri, angka donganku angka pangoloi dohot angka pangawalku tongtong do marpakean sabuk, arian bope borngin. Sai torus do hami di bagasan na hobas, maniop sinjata di tangan.

NEHEMIA 4:23 Iomraidhean Croise

NEHEMIA 4:22

Salolot na masa i, husuru ma sude partugas dohot angka pambantu ni halahi marborngin di Jerusalem. Jadi songon i ma pangalahona gabe tarjago hami kota i borngin-borngin jana arianna i mambangun tembokna.

NEHEMIA 5:1

Dung adong sadia honok, bahat ma sian halak Jahudi, halaklahi dohot dadaboru na humolos salaho tu angka dongan sabangsona.

NEHEMIA 5:16

Sude gogongku huusehon do tu pambangunan ni tembok i jana saotik pe nada hubuat tano gabe balosna, haru pe sude pambantungku dohot markarejo di pambangunan i.

NEHEMIA 7:2

Hupasahat ma na mamarenta kota Jerusalem tu anggingku si Hanani dohot tu si Hananya komandan ni benteng, harana sumurung do ia sian halak na asing, mabiar do ia tu Tuhan boti haposan ni roha.

JOEL 2:8

Nada marsisosahan halahi, mardalan be do halahi tu barisanna sandiri. Maradu ribur halahi mangonjar partahanan, barisan ni halahi nada haambatan.

1 KORINTUS 15:10

Tapi hara ni asi ni roha ni Debata, madung gabe songon au na adong saonnari on, au. Jana nada parcuma na niampunan ni Debata au. Hape gabe lumoja dope au markarejo sian sude rasul na asing i. Tapi i pe sudena, nada hara ni usahongku i; usaho ni Debata na mangakaholongi au do i jana na markarejo rap dohot au.

HAKIM-HAKIM 5:11

Tangihon! Di lambung ni angka sumur marendei halak na ribur. Paboa-boahon hamonangan ni Tuhan marpupu, hamonangan na nilehenNia tu bangsoNia! Lalu marbaris ma halak ni Tuhan tu horbangan ni kota.

HAKIM-HAKIM 9:48

Jadi gabe kehe ma si Abimelek dohot angka halaknia i tu Dolok Zalmon. Diponggoli ia ma disi angka dangka ni hayu dohot kapak, lalu diporsan ia di abarania. Disuru ia ma hipas baenon ni angka halaknia i sanga na aha dibaen ia.