NEHEMIA 4:2 - BIBEL JAMITA NA DENGGAN

² Didok ia ma di jolo ni angka dongannia dohot tentara ni Samaria, “Aha do na dikarejohon ni halak Jahudi na gale i? Na giot bangunon ni halahi ma lakna mangulahi kota on? Diambang halahi do lakna tarpasidung di bagasan sadari karejo i, hara ni na manghaulkon haul sajo? Tarbaen halahi ma he lakna timbunan ni rompak-rompak i gabe batu tembok?”

NEHEMIA 4:2 Iomraidhean Croise

ESRA 4:4

Dipagale halak na dung lolot maringanan disi ma roha ni halak Jahudi boti dipabiar-biar halahi anso diantak pambangunan i.

NEHEMIA 12:27

Di na pasahatkon tembok ni kota Jerusalem i tu Tuhan, diontang do sude angka halak Levi sian inganan ni halahi be anso dohot mamestahon peristiwa i marhite angka ende tarimakasi, dohot angka musik gambus bope hasapi.

NEHEMIA 12:43

Di ari i bahat do haul na dihaulkon tu Tuhan. Marmoga-moga ma rayat i dibaen madung marjop ni roha halahi dibaen Debata. Angka dadaboru pe dohot dakdanak dohot do marpesta, jabat do habegean sora ni halahi na marmoga-moga i tu na dao.

NEHEMIA 4:10

Tapi mamungka ma halak Juda mangendehon ende humolos songon on: “Ma abis gogonta maroban boban, hapengani laing bahat dope rompak martibalan. Songon na so margogo be nihilala karejo songon on na mambangun tembok ni kota on.”

NEHEMIA 6:15

Lima pulu dua ari honokna na padenggan tembok i jana sidung ma di tanggal dua pulu lima bulan Elul.

MASMUR 83:4

Didok halahi, “Tole ma tapatimpas bangso Israel, anso ulang sai dipaingot-ingot be halahi.”

JEREMIA 26:18

“Taran si Hiskia raja di Juda dipalalu Panurirang Mika na sian Moreset do hata on sian Tuhan Na Markuaso i, ‘Ombahon ma Sion songon ladang, Jerusalem gabe timbunan ni na marsegoan jana Dolok Ni Bagas Ni Debata gabe harangan.’

JEREMIA 33:24

“Madung he diparrohahon ho angka hata-hata ni halak na mandok na dung Hubuang Israel dohot Juda, bangso na dua na dung Hutodo i? Layas diida angka jolma i bangsongKi jana nada dietong roha ni halahi be i songon sada bangso.

DANIEL 9:25

Boto jana astui ma on: Salpu ma pitu noli pitu pulu taon, mamungka sian na diparuar parenta laho mambangun Jerusalem mangulahi lopus tu haroro ni sada pamimpin na nitodo ni Debata. Pitu noli onom pulu dua taon honokna paulion ma mangulahi angka dalan dohot angka tembok ni Jerusalem, tapi gok hamaolon do hatiha i.

HABAKUK 3:2

Tarbege do tu au, ale Tuhan, taringot tu Ho, gabe digohi roha bisuk ma ate-atengku. Sugari diulahi Ho ma nian sanoli nari pambaenanMu na godang i di hatihanami saonnari. Holong ma nian rohaMu mida hami haru pe muruk Ho.

ZAKARIA 12:8

OndihononKu ma di ari i pangisi ni Jerusalem; salang jolma na gumale sian halahi gabe songon gogo ni si Daud. Togu-toguon ni pomparan ni si Daud ma halahi songon SurusuruanKu, olo tutu, songon panogu-noguonKu sandiri.

1 KORINTUS 1:27

Angke sangajo do dipili Debata angka na oto didok portibi on, anso gabe maila angka halak na pistar i. Jana dipili Debata muse do angka na gale ninna portibi on, anso maila angka halak na gogo.