NEHEMIA 4:17 - BIBEL JAMITA NA DENGGAN

¹⁷ na mangkarejohon tembok i. Angka panaru bahan ni bangunan i, sada tangan noma dibaen mangkarejohon karejona, jana tangan na sada nari maniop sinjata.

NEHEMIA 4:17 Iomraidhean Croise

NEHEMIA 4:13

Jadi gabe hubagi-bagihon ma podang, tombak, dohot panah tu rayat i, lalu hubaen ma inganan ni halahi mangihutkon horongna be di balik ni tembok i di angka inganan na so sidung dope dipadenggan.

NEHEMIA 4:16

Tapi mamungka sian ari i satonga noma sian anak buangki na markarejo, tapi anggo na satonga nari marjago-jago noma mamake baju porang dohot marsinjata tombak, parince dohot panah. Dilehen angka pamimpin ni rayat i sandok bantuan tu rayat i,

NEHEMIA 4:18

Angka tukang batu na markarejo, alit do podang ni halahi di gontingna. Angka siombus sarune tanda ni bahaya, torus do di lambungku.

MASMUR 149:6

Dipuji halahi ma da Debata, lalu maniop podang na tajom

ENDE NA GODANG 3:8

Na ummalo padalankon podang, jana na marpangalaman di bagasan porang. Marsioban do i podang na hobas ampot ro borngin-borngin na mamorangi.

DANIEL 9:25

Boto jana astui ma on: Salpu ma pitu noli pitu pulu taon, mamungka sian na diparuar parenta laho mambangun Jerusalem mangulahi lopus tu haroro ni sada pamimpin na nitodo ni Debata. Pitu noli onom pulu dua taon honokna paulion ma mangulahi angka dalan dohot angka tembok ni Jerusalem, tapi gok hamaolon do hatiha i.

JOEL 2:8

Nada marsisosahan halahi, mardalan be do halahi tu barisanna sandiri. Maradu ribur halahi mangonjar partahanan, barisan ni halahi nada haambatan.

1 KORINTUS 16:13

Antong jonggor ma hamu jana togu ma haporsayaanmunu. Angkon barani do hamu martindak jana sai margogo ma hamu.

1 KORINTUS 16:9

Topet do hatihana saonnari dison mambaen karejo na mararga, haru pe bahat muse halak na mangalo.

1 KORINTUS 9:12

Muda adong hak ni halak na asing manjagit sisongon i sian hamu, inda he umbahatan dope haknami ulang halahi? Tapi anggo au nada hupake dope hak na songon i. Gumonan dope hutaonkon sasudena timbang mambaen ambat-ambat laho pararatkon Jamita Na Denggan taringot tu Kristus i.

2 KORINTUS 6:7

di na manjamitahon jamita na sintong dohot kuaso ni Debata, markite-hite sinjata hatigoran i do hami mangaroro sanga martahan.

PILIPPI 1:28

Angkon puluk do hamu tongtong; ulang mabiar hamu mida angka alomunu. I ma tandana di halahi, paboa na angkon talu halahi jana hamu ma na monang. Angke Debata sandiri do na mambaen hamu gabe monang.

2 TIMOTEUS 2:3

Angkon laing dohot do ho manaon parkancitan songon tentara na burju di Jesus Kristus.

2 TIMOTEUS 4:7

Anggo au madung hudohoti parlumbaan i sadenggan-dengganna, jana madung lalu tu ujung, jana madung humomosi do haporsayaan i.