NEHEMIA 3:15 - BIBEL JAMITA NA DENGGAN

¹⁵ Si Salum anak ni si Kolhose, parkuaso ni distrik Mispa: Pintu Horbangan Mata Mual dohot tarupna, angka pintu, angka baut dohot angka palangna. Dohot muse tembok ni Tobat Selah na di lambung ni taman bagas godang lopus tu tangga-tangga panuatan sian Kota Ni si Daud.

NEHEMIA 3:15 Iomraidhean Croise

2 SAMUEL 5:9

Tulus do tarrampas si Daud benteng Sion i lalu diingani ia. Dibaen ia ma goarna, “Kota Ni si Daud.” Dipature ia ma kota i humaliang benteng i, mamungka sian Habincaran ni tor na nitimbun dohot tano.

2 RAJA-RAJA 25:4

Laing di hatiha i muse ma ditapor musu tembok ni kota i. Borngin i, haru pe na hona hobuk kota i, maporus ma raja i dohot tentara ni Juda sude kehe tu Rura ni Jordan. Mamolus sian dalan na manyalpui kobun bagas godang i ma halahi, lalu ruar sian horbangan na padomuhon tembok na dua na disi.

2 JUJUR TAON 32:30

Raja Hiskia ma na mambaen tahalak ni mata mual Gihon, jana dipadalan ia ma aekna i mamolus bubusan di bagasan tano tu bagasan kota Jerusalem. Manjadi do sude na nikarejohon ni si Hiskia.

NEHEMIA 12:37

Dung lalu di Pintu Horbangan Sampuran, mambelok ma halahi jana manganangkohi tangga ni Kota Ni si Daud, mamolus sian bagas godang ni si Daud, lalu mulak tu tembok na di Pintu Horbangan Aek na di Habincaran ni kota i.

NEHEMIA 2:14

Jadi sian bagian Habincaran ni kota i torus ma hami tu Utara, tu Pintu Horbangan Sampuran dohot Tobat Raja. Tapi nada adong disi be dalan na tarbolus halode na hutengget i, hara ni bahatna na magargar i.

NEHEMIA 2:17

Tapi dung i hudok ma tu halahi, “Ligi hamu ma pangalaho ni pardangolanta on! Tinggal na magargar noma Jerusalem dohot angka pintu horbanganna pe ma abis dipangan api. Tole ma tabangun mangulahi angka tembok ni kota Jerusalem on anso ulang marlayas be hita.”

NEHEMIA 3:12

Si Salum anak ni si Halohes, parkuaso ni satonga distrik Jerusalem na niurupan ni angka borunia.

NEHEMIA 3:14

Si Malkia anak ni si Rekhab, parkuaso ni distrik Bet-Kerem: Pintu Horbangan Rompak dohot angka pintuna, angka baut dohot angka palangna.

NEHEMIA 3:7

Si Melatya na sian Gibeon dohot si Jadon na sian Meronot. Angka halak Gibeon dohot Mispa: Tembok lopus tu bagas godang ni gubernur Efrat Hasundutan.

NEHEMIA 3:9

Si Repaya anak ni si Hur, parkuaso ni satonga distrik Jerusalem.

PARJAMITA 2:6

Huhuar angka tobat laho mangaehi angka porlak dohot kobun i.

JESAYA 8:6

ning Ia ma, “Ditulak bangso on do aek na sonang na sian anak ni Batang aek Siloa, jana mar jop ni roha mida Raja Resin dohot anak ni si Remalya.

JEREMIA 40:6

Kehe ma au tu si Gedalya di Mispa jana maringanan ma au disi rap dohot ia di tonga-tonga ni rayat na ditadingkon i di tano Juda.

LUKAS 13:4

Bia muse ma sisalapan bolas halak na mate di Siloam, na nitinggang ni palas-palas halahi? Ning rohamunu i ma patuduhon na bahatan dosa ni halahi sian pado sude angka halak na asing na maringanan di Jerusalem?

JOHANNES 9:7

jana didok Jesus ma tusia, “Kehe ma ho marsuap tu tobat Siloam.” (Siloam astuanna “Na nisuru”.) Jadi kehe ma bayo i marsuap paiaskon bohinia. Di na mulak ia marnida ma matania i.

HAKIM-HAKIM 20:1

Jadi marroan ma sude halak Israel sian Dan di Utara lopus tu Berseba di Selatan, dohot sian Gilead di Habincaran laho mangoloi pio-pio i. Marlagut ma halahi jana marsada di Mispa di adopan ni Tuhan.

HAKIM-HAKIM 20:3

Laing tarbege do di hatiha i di angka halak Benyamin bahaso na dung marlagut sude halak Israel na asing i di Mispa. Jadi disapai angka halak Israel i ma halak Levi na hona bunu i radingna, “Caritohon ma jolo antong tu hami sanga na bia pangalahona tarjadi hajahatan i!” Dialusi halak Levi i ma, “Na kehe do au dohot radingki marborngin di Gibea na di Luat Benyamin.