NEHEMIA 2:5 - BIBEL JAMITA NA DENGGAN

⁵ lalu hudok ma tu raja i, “Anggo tumbuk do di roha ni raja i jana muda ra raja i mangoloi pangidoanniba, disuru raja i ma au tu tano Juda laho mambangun kota inganan ni kuburan ni angka daompung i mangulahi.”

NEHEMIA 2:5 Iomraidhean Croise

2 SAMUEL 14:22

Manungkap ma si Joab di jolo ni si Daud, lalu mandok, “Sai dipasupasu Debata nian raja i! Saonnari ma huboto na jop do hape roha ni raja i mida au, dibaen madung dipatulus pangidoanki.”

ESRA 5:17

Muda diisinkon raja i, hami pangidohon anso nian dibaen panangkasion di bagasan arsip ni harajaan na di Babel. Dohot dalan na songon i gabe botoon ma sanga na tutu do adong parenta ni Raja Kores laho mambangun mangulahi Bagas Paribadatan na di Jerusalem on. Dung i intean do hami di barita salaho tu haputusan ni raja i taringot tu parkaro on.”

NEHEMIA 2:4

Marsapa ma raja i, “Antong, aha do giotmu?” Martangiang ma au di bagasan rohangku tu Debata na markuaso di banua ginjang i,

NEHEMIA 2:6

Jadi dioloi raja i ma na topet juguk palambung dohot permaisuri i pangidoanki! Disapai ia ma sanga na sadia lolot au giot tinggal disi jana sadihari mulak, jadi hupaboa ma tusia.

ESTER 1:19

Antong hara ni i, pangidoannami, anso dibaen raja i nian haputusan bahaso na so tola be Ratu Wasti ro mangadop tu raja i. Angkon dibaen ma haputusan i gabe undang-undang di Persia dohot Media, anso ulang tarumpat-umpat be mangulahi. Dung i, nilehen ma jabatan ni Ratu Wasti i tu dadaboru na asing na umburju sian i.

ESTER 5:8

“Muda lomo do roha ni raja i mangoloi pangidoanku, sugari laing ro ma nian raja i dohot si Haman mangulahi tu parjamuan sibaenonku ancogot borngin. Di parjamuan i ma hupasahat pangidoanku tu raja i.”

ESTER 7:3

Dialusi Ratu Ester ma, “Muda tumbuk di roha ni raja i, pangidoanku anso laing dipatola au mangolu dohot bangsongku.

ESTER 8:5

“Muda lomo roha ni raja i jana holong rohamu di au, diparuar raja i ma sugari nian surat parenta laho mambuat angka surat ni si Haman i na marisi parenta laho mangabisi sude halak Jahudi na di harajaan on.

PODA 3:4

gabe dapotan holong ma ho dohot hasangapan, di bagasan parnidaan ni Debata dohot jolma.

DANIEL 9:25

Boto jana astui ma on: Salpu ma pitu noli pitu pulu taon, mamungka sian na diparuar parenta laho mambangun Jerusalem mangulahi lopus tu haroro ni sada pamimpin na nitodo ni Debata. Pitu noli onom pulu dua taon honokna paulion ma mangulahi angka dalan dohot angka tembok ni Jerusalem, tapi gok hamaolon do hatiha i.

MATEUS 23:27

Marjaya ma hamu angka Siboto Surat dohot angka Parise! Pangalancap do hamu! Songon kuburan na nikapur do hamu. Jeges idaon sian duru hape holi-holi ni jolma na marbusuhan do gok di bagasan.

RUT 2:13

Dialusi si Rut ma, “Na denggan ma antong pambaenanmi tu au, amang. Tarapul do rohangku, dibaen lambok ni pangkuling ni amang i tu au, haru pe tumoruk au sian sada parkarejo ni amang i.”