NEHEMIA 2:4 - BIBEL JAMITA NA DENGGAN

⁴ Marsapa ma raja i, “Antong, aha do giotmu?” Martangiang ma au di bagasan rohangku tu Debata na markuaso di banua ginjang i,

NEHEMIA 2:4 Iomraidhean Croise

2 SAMUEL 15:31

Di na dipaboa tu si Daud na dohot muse si Ahitofel rap dohot si Absalom, martangiang ma si Daud, songon on, “O ale Tuhan, sugari disundati Ho ma nian sipaingot ni si Ahitofel!”

1 RAJA-RAJA 3:5

Borngin i dipataridahon Tuhan ma diriNa tusia di bagasan nipi jana manyapai, “Aha do dipangido rohamu lehenonKu tu ho?”

NEHEMIA 1:11

Tangihon ma tangiangku dohot tangiang ni sude naposoMu na asing i, na ra pasangankon Ho. Lehen ma pangurupiMu anso laing tulus naposoMon sadari on dapotan asi ni roha sian raja.” Siurus inumon ni raja do au di hatiha i.

NEHEMIA 1:4

Umbege barita i, juguk ma au jana tangis. Sanga na piga ari lolotna sai tangis au. Torus do au puaso lalu martangiang tu Debata,

NEHEMIA 1:5

“Ale Tuhan Debata na markuaso di banua ginjang Debata Na Godang do Ho, jana di bagasan gok biar do hami ro mangadop tu Ho. Sai tongtong do holong rohaMu di angka na mangkaholongi Ho jana na mangoloi parentaMu jana ditiop Ho do janjiMu tu halahi.

NEHEMIA 2:20

Hualusi ma, “Baenon ni Debata na markuaso di banua ginjang i do marhasil karejonami on. Angka naposoNia do hami na giot mamungka mambangun on. Tapi anggo hamu nada marhak marnampunahon sanga na aha anggo di Jerusalem on. Antong goarmunu pe nada dokkon-dokkonon muda manghobari halak salaho tu Jerusalem.”

NEHEMIA 2:5

lalu hudok ma tu raja i, “Anggo tumbuk do di roha ni raja i jana muda ra raja i mangoloi pangidoanniba, disuru raja i ma au tu tano Juda laho mambangun kota inganan ni kuburan ni angka daompung i mangulahi.”

ESTER 5:3

Dung i marsapa ma raja i, “Aha do ulaning, na diharohon ni boru ni raja i? Aha do giotmu? Dokkon ma! Haru pe satonga sian harajaanku dipangido ho, sai na lehenonku ma i.”

ESTER 5:6

Di hatiha na minum anggur marsapa ma raja i, “Saonnari paboa ma sanga aha giot ni rohamu. Sanga aha pe na nipangidomu hulehen pe, haru pe satonga sian harajaanku.”

ESTER 7:2

Lalu-lalu minum anggur, marsapa ma raja i mangulahi tu si Ester, “Iabo, di Namora i, aha do ulaning por ni rohamu? Dokkon ma da! Pasti do lehenonku haru pe dipangido ho satonga sian harajaanku.”

MASMUR 136:26

Dok ma tarimakasi tu Debata pangarajai ni langit; hot do holong ni rohaNia sapanjangna.

PODA 3:6

Ingot ma Tuhan di bagasan sude na nikarejohonmu, anso dipatuduhon Ia tu ho dalan parngoluon na sintong.

MARKUS 10:51

“Aha do lakna dipangido rohamu baenonKu tu ho?” ninna Jesus manyapai ia. Dialusi bayo na mapitung i ma, “Marnida ma nian au, Guru!”

BAENON NI ANGKA RASUL 23:19

Ditogu komandan i ma tangan ni doli-doli i, kehe ma halahi na dua tu topi-topi, disapai ia ma disi, “Aha do na giot sipaboaonmi tu au?”

PILIPPI 4:6

Ulang pola holoskon hamu sanga na aha. Sanga dia pe na masa, martangiang ma hamu jana pasahat hamu ma pangidoanmunu tu Debata. Sanga aha na porlu di hamu, paboa hamu ma i tongtong tu Debata mardongan roha na mandok tarimakasi.