NEHEMIA 2:20 - BIBEL JAMITA NA DENGGAN

²⁰ Hualusi ma, “Baenon ni Debata na markuaso di banua ginjang i do marhasil karejonami on. Angka naposoNia do hami na giot mamungka mambangun on. Tapi anggo hamu nada marhak marnampunahon sanga na aha anggo di Jerusalem on. Antong goarmunu pe nada dokkon-dokkonon muda manghobari halak salaho tu Jerusalem.”

NEHEMIA 2:20 Iomraidhean Croise

2 JUJUR TAON 26:5

Si Zakaria do panuturinia domu tu soal partondion. Salolot di ngolu ni si Zakaria, setia do si Usia maribadat tu Tuhan, jadi gabe dipasupasu Tuhan do ia.

ESRA 4:3

Tapi dialusi si Zerubabel, si Josua dohot kapala ni horong-horong i ma, “Nada porlu di hami bantuanmunu laho mambangun Bagas di Tuhan Debatanami. Hami sandiri do giot mambangun i hombar tu na niparentahon ni si Kores, raja ni Persia i tu hami.”

NEHEMIA 1:4

Umbege barita i, juguk ma au jana tangis. Sanga na piga ari lolotna sai tangis au. Torus do au puaso lalu martangiang tu Debata,

NEHEMIA 2:4

Marsapa ma raja i, “Antong, aha do giotmu?” Martangiang ma au di bagasan rohangku tu Debata na markuaso di banua ginjang i,

ESTER 4:11

“Ganop halak na ro mangadop tu raja di alaman na di bagasan bagas godang i, halaklahi sanga dadaboru na so dipiohon, angkon mate hona uhum. Undang-undang do i jana sude halak mamungka sian panuturi ni raja lopus tu rayat na di angka propinsi, sude do umboto i. Hum sada sajo ma dalan anso malua sian undang-undang i, i ma muda disurduhon raja i tungkot serenia tu halakna i. Muda tarjadi songon i, malua ma iba. Tapi madung adong sabulan on na so dipiohon raja i au.”

MASMUR 102:17

TangihononNia ma tangiang ni bangsoNa na marhasusaan i, jana nada tulakonNia pangidoan ni halahi.

MASMUR 122:6

Tangiangkon hamu ma hasonangan ni Jerusalem: “Anso sai sonang sude halak na manghaholongi ho.

MASMUR 20:5

Jadi marsurak ma hami marjop ni roha, lalu mamestahon hamonanganmu, bope mamuji goar ni Debata. Tuhan ma na patuluskon sude pangidoanmi.

MASMUR 35:27

Sai marjop ni roha ma nian sanga ise na marpor ni roha mida au nipatigor. Sai mulak-ulak ma nian didok halahi, “Na godang ma da antong Tuhan! GiotNia anso dapotan haluaan ma nian naposoNa i.”

MASMUR 51:18

Ale Debata, patuduhon ma denggan ni rohaMu tu Sion, pajongjong ma mangulahi angka tembok ni Jerusalem.

HARURUAR 28:29

Jadi muda masuk si Harun tu Inganan Na Badia, angkon pakeonnia do tutup andora na nigorgaan dohot goar ni marga-marga ni halak Israel, anso Au Tuhan, marningot tongtong di bangsongKu.

PARJAMITA 7:18

Pasiding ma parkotian godang ni na dua i. Muda nihabiaran Debata, angkon malua do hita.

JESAYA 56:5

LehenonKu ma tu halahi di bagasan bagasKu, dohot di bagasan tembok-tembok ni ingananKu sada tanda parningotan dohot goar. Dumenggan dope i sian halaklahi dohot dadaboru. LehenonKu ma sada goar na manongtong tu halahi.”

HAMALIMON 2:2

dung i dioban ma tu malim pomparan ni si Harun. Buaton ni malim na markarejo hatiha i ma sanggolom sian topung i dohot miak zetun bope hamonyan i sude, lalu ditutung ia ma di ginjang ni langgatan na gabe songon tanda bahaso haul i na dung dihaulkon sude tu Tuhan. Uap ni haul situtungon i ma pajop roha ni Tuhan.

HAMALIMON 24:7

Ganop baris roti i dibaen hamonyan na polin. Hamonyan i ma gonti ni roti, sanga tanda bahaso na dung dilehen roti i tu Tuhan gabe haul sipanganon.

ZAKARIA 6:14

Disimpan ma tuku i di bagasan BagasKu baen parningotan tu si Heldai, si Tobia, si Jedaya dohot si Josia.

BILANGAN 10:10

Bope di angka ari sijop ni rohamunu, i ma di angka Pesta Bulan Na Baru, dohot pesta-pesta ugamo na asing i, angkon paluonmunu do sarune i dompak manghaulkon haul situtungon dohot haul haluaan tu Au, dung i urupanKu ma hamu, angke Au do Tuhan Debatamu.”

BAENON NI ANGKA RASUL 10:31

Didok ia ma, ‘Kornelius! Madung dijagit Debata tangiangmi jana diingot Ia do denggan ni rohamu.

BAENON NI ANGKA RASUL 10:4

Diligi ia ma tu surusuruan i mardongan biar, didok ia ma, “Aha do ulaning Tuan?” Dialusi surusuruan i ma, “Madung dijagit Debata tangiang dohot denggan ni rohamu jana diingot Debata do ho.

BAENON NI ANGKA RASUL 8:21

Nada adong tohapmu di bagasan karejonami on, angke na so ias do rohamu maradopkon Debata.