NEHEMIA 2:15 - BIBEL JAMITA NA DENGGAN

¹⁵ Jadi gabe manuat ma hami tu Rura Kidron jana torus ma hami mardalan borngin i lalu paresohon tembok ni kota i. Dung i mambelok ma hami tu kota mamolus sian Pintu Horbangan Lombang.

NEHEMIA 2:15 Iomraidhean Croise

2 SAMUEL 15:23

Mangarar be ma rayat i tangis di parkehe ni angka tentara ni si Daud manadingkon kota i. Dung i ditaripari raja i ma anak ni Batang aek Kidron, diihutkon sude tentarania i lalu mardalan ma halahi, mandapotkon halongonan.

2 JUJUR TAON 26:9

Laho patoguhon kota Jerusalem, dipajongjong si Usia ma palas-palas di Pintu Horbangan Suhi, di Pintu Horbangan Lombang dohot di belohan ni tembokna i.

NEHEMIA 2:16

Sada halak pe sian hatobangon ni rayat i nada adong umboto sanga na tu dia au kehe jana nada diboto halahi sanga aha na husangkaphon. Angke lopus tu hatiha i laing na so hupaboa dope sanga na aha tu angka dongan sabangsongku, bope tu angka malim dohot tu angka hatobangon sanga pe tu angka pagawe dohot tu sanga ise pe na giot dohot mambangun kota Jerusalem i.

NEHEMIA 3:13

Si Hanun dohot halak Zanoah: Pintu Horbangan Lombang dohot angka pintuna, angka baut dohot angka palangna. Songon i muse 440 meter ginjang ni tembok lopus tu Pintu Horbangan Rompak.

JOHANNES 18:1

Jadi dung sidung didok Jesus songon i, kehe ma Ia rap dohot angka siseanNia i tu ipar ni Batang aek Kidron. Adong do disi sada kobun, jana masuk ma Jesus tu kobun i dohot angka siseanNia i.