NEHEMIA 2:12 - BIBEL JAMITA NA DENGGAN

¹² Salolot na tolu ari i nada hupaboa sanga na tu ise pe bahaso na nilehen ni Debata boa-boa tu au laho mambangun kota Jerusalem mangulahi. Borngin-borngin ancogotna i ngot ma au jana hupiohon ma angka dongan sanga na piga halak kehe tu ruar ni kota. Asing sian halode na hutengget i, nada adong hami oban pahan-pahanan sitenggeton na asing.

NEHEMIA 2:12 Iomraidhean Croise

ESRA 7:27

Jadi didok si Esra ma, “Puji ma Tuhan, Debata na nisomba ni ompunta i! Madung disungguli Ia roha ni raja gabe ra ia mangalehen rohana tangkas tu Bagas Ni Tuhan di Jerusalem.

NEHEMIA 2:11

Hupatorus ma pardalananku jana lalu ma au tu Jerusalem, lalu maradian ma au tolu ari.

NEHEMIA 2:13

Borngin dope ari di na lalu hami tu kota i mamolus sian Pintu Horbangan Lombang na di sabola Hasundutan. Adop Selatan ma hami kehe tu Pintu Horbangan Rompak mamolus sian Mata Mual Naga. Hupareso ma di pardalanan i na dung gabe ropuk-ropuk noma tembok ni kota i dohot angka pintu horbanganna i madung abis dipangan api.

MASMUR 122:6

Tangiangkon hamu ma hasonangan ni Jerusalem: “Anso sai sonang sude halak na manghaholongi ho.

MASMUR 51:18

Ale Debata, patuduhon ma denggan ni rohaMu tu Sion, pajongjong ma mangulahi angka tembok ni Jerusalem.

PODA 12:23

Halak na marroha nada pajolo-jolohon na binotona; halak na bodo paboa-boahon haotoonna.

PARJAMITA 3:7

Adong do hatihana manyibak-nyibak dohot hatihana manjaiti; hatihana mangkohom dohot hatihana mandok hata.

JEREMIA 31:33

On ma parjanjian na imbaru na giot baenonKu dohot halahi: BaenonKu ma angka aturanKu tu bagasan roha ni halahi, jana suratkononKu di ate-ate ni halahi. Au ma gabe Debata ni halahi, jana halahi gabe bangsongKu.

JEREMIA 32:40

BaenonKu ma parjanjian na hot dohot halahi. Nada mantak Au mambaen na denggan tu halahi. BaenonKu ma halahi mabiar jana mamparsangapi Au sian sandok rohana anso ulang mandao halahi sian Au.

AMOS 5:13

Hara ni i halak na marpikir, sip do ia di hatiha i, harana hatiha na jahat do hatiha i.

MIKA 7:5

Ulang pos rohamu di hombar bagasmu, ulang ho marguru di ale-alemu. Jamot ho di angka hata sidokkononmu haru pe dongan saripemu sandiri na umbegesa.

MATEUS 10:16

“Parrohahon hamu ma na Hudok on! Husuru do hamu songon biri-biri tu tonga-tonga ni sorigala. Jadi angkon manat do hamu songon ulok tapi ias ma rohamunu songon darapati.

MATEUS 2:14

Tarsunggul ma si Josep, dioban ma Dakdanak i dohot inangNa i mangungsi tu tano Mesir, laing borngin i.

2 KORINTUS 8:16

Tarimakasi do hami dok tu Debata hara ni na dung mangalehen ringgas ni roha tu si Titus gabe songon hami laho mangurupi hamu!

JOSUA 10:9

Saborngin i torus ma si Josua dohot parangannia i mardalan sian Gilgal tu Gibeon, lalu ompot ma diroro halahi halak Amori i.

HALUMBAAN 17:17

Angke na dung digorakkon Debata do roha ni halahi laho patuluskon sangkap ni Debata. Dibaen Debata ma halahi satahi laho pasahatkon kuaso ni halahi tu binatang i, anso binatang i noma torus mamarenta lopus tarjadi sude na nidok ni Debata.

HAKIM-HAKIM 6:27

Jadi dialap si Gideon ma hatobannia sampulu halak lalu kehe ma ia patuluskon na niparentahon ni Tuhan i tusia. Tapi hara ni biarnia maradopkon halahi sabagas dohot angka jolma na di hutania i, nada puluk ia mangkarejohon i arian-arian. Jadi borngin do dipatulus ia i.

HAKIM-HAKIM 9:32

Jadi hara ni i, sugari nian kehe ma ho martabuni dohot angka halakmu di ladang muda borngin.