NEHEMIA 13:3 - BIBEL JAMITA NA DENGGAN

³ Dung dibege halak Israel songon i, dipabali halahi ma sude halak sileban sian masarakat ni Israel.

NEHEMIA 13:3 Iomraidhean Croise

ESRA 10:11

Antong, oku hamu ma dosamunu tu Tuhan, Debata na nisomba ni angka ompunta i, jana patulus hamu ma sanga aha na pasonang rohaNia. Mandao ma hamu sian halak na asing na maringanan di luatta on jana paorot hamu ma angka dadaborumunu na sian bangso na asing i.”

ESRA 9:2

Halaklahi sian halak Jahudi mambuat boru sian bangso na asing i, jadi gabe nada polin be bangso i na dihapunjungkon nampuna ni Tuhan. Angka hatobangon dohot angka pejabat ni Israel muse do na pajolohon mambaen na songon i.

NEHEMIA 10:28

Hami rayat ni Israel, angka malim, angka halak Levi, angka panjago horbangan ni Bagas Ni Tuhan, angka parmusik dohot angka parkarejo di Bagas Ni Tuhan, maradu dadaboru dohot angka dakdanaknami na dung impas godang mangastui dohot sude halak na marpangoloion tu Uhum Ni Debata jana na dung manyirang dirina sian halak na asing na maringanan di luat on.

MASMUR 119:11

Madung husimpan pangajaranMu di bagasan rohangku, anso ulang mardosa au maradopkon Ho.

MASMUR 119:9

Tarjagohon na poso do dirina sian hahodaron, muda diihutkon parentaMu di ngoluna, ale Tuhan.

HARURUAR 12:38

Bahat dope halak na asing, bahat biri-biri, hambeng, lombu dohot angka pahan-pahanan na asing.

PODA 6:23

Angke songon palito do poda i; jana dalan hangoluan sipaingotna.

BILANGAN 11:4

Di bagasan pardalanan ni halak Israel i, adong do halak na leban mangihutkon halahi. Malungun situtu do halahi giot mangan juhut, halak Israel pe mamungka ma marungut-ungut. Ninna halahi ma, “Ah, sugari adong ma juhut di hita.

SURAT NI SI PAULUS TU PARLAGUTAN ROM 3:20

Harana umpe sahalak na tigor di adopanNia hara ni na mangkarejohon Tona, dibaen markite-hite Tona i do ditanda jolma dosa.

JAKOBUS 1:27

Haburjuon marugamo na ias jana na so martihas diadopan ni Debata Amanta, on do: Manyarihon na so marama so marina dohot angka na mabalu na mardangol; dohot na manjagohon dirina sandiri anso ulang sego dibaen portibi on.