NEHEMIA 13:25 - BIBEL JAMITA NA DENGGAN

²⁵ Hugorahon antong halahi jana huburai. Adong do na hubalbali jana hujangging obukna i, dung i husuru ma halahi marsumpa mangasahon goar ni Debata songon on: “Na so jadi lehenonmunu borumunu tu anak ni halahi, jana na so jadi alaponmunu boru ni halahi bahen dadaborumunu, sanga bahen dadaboru ni anakmunu sandiri!”

NEHEMIA 13:25 Iomraidhean Croise

2 RAJA-RAJA 2:24

Manaili ma si Elisa manatap halahi jana diburai ia ma halahi mangasahon goar ni Tuhan. Jadi manigor ro ma dua gompul boru-boru sian ramba i manyibak-nyibak opat pulu dua halak sian dakdanak i.

ESRA 10:5

Jadi dipungka si Esra ma mambaen tindakan. Disuru ia ma angka malim-malim kapala ni angka halak Levi dohot angka halak Israel na deba nari anso marsumpa paboa na giot patuluson ni halahi ma usul ni si Sekanya i.

ESRA 7:26

Ganop halak na so mangoloi angka Uhum Ni Debatami, sanga angka uhum ni harajaan, angkon manigor do mate hona uhum baenon, sanga dibuang, sanga dirampas sinadonganna i, sanga dipahurungkon.”

NEHEMIA 13:11

Gabe hugorahon ma angka hatobangon dibaen dipadiar halahi antong margailan Bagas Ni Tuhan i. Jadi hupiohon ma mangulahi angka halak Levi dohot angka parmusik i jana husuru markarejo mangulahi.

NEHEMIA 13:17

Hugorahon ma angka pamimpin ni Juda i jana hudok, “Na so sadar dehe hamu bahaso na dung mambaen hajahatan hamu hara ni na pahodar Ari Sabat?

NEHEMIA 13:24

Deba sian dakdanak ni halahi nada dibotosa be hatanami sandiri, tapi marhata Asdod noma sanga marhata sileban na asing i.

NEHEMIA 5:13

Dung i hubuka ma basaen na di gontingku lalu huhirpaskon jana hudok ma, “Sai songon on ma nian dihirpaskon Debata ganop halak na so patuluskon janjina. Malarat ma halakna i, dibuat Debata ma bagas dohot sude sinadonganna!” Sude ma na marlagut i mangalusi, “Amen!” lalu mamuji Tuhan. Jadi dipatulus angka pamimpin i ma janji ni halahi i.

NEHEMIA 5:6

Pabege-bege holos ni halahi i, gabe sun ma murukku,

MASMUR 119:53

Muda huida halak na jahat mangalanggar TonaMu, marsigorgor ma muruk ni rohangku.

MASMUR 15:4

na mandao sian halak na hona bura tapi pasangap halak na burju tu Tuhan; na patulus janjina, haru pe marharugian,

HARURUAR 34:16

Muda dialap hamu boru ni halahi gabe parumaenmu, jana markarosuan ma angka daboru i mangihutkon debata ni halahi, gabe elek-elekon ni halahi ma angka anakmi anso dohot markarosuan mangihutkon debata ni halahi.

PODA 28:4

Sanga ise na pageduk uhum, mamihak tu na jahat; sanga ise na mangoloi uhum, mangalo halak na jahat.

JESAYA 50:6

Hulehen do tanggurungku tu halak na mambalbali au, jana bohingku tu halak na mangumpat janggutku. Nada hutabunihon bohingku hatiha dipalayas sanga ditijuri au.

PANGARATAION 6:13

Habiari ma Tuhan Debatamu jana mangoloi tuSia sajo ma ho jana janjimu pe di bagasan goarNia sajo ma baen.

PANGARATAION 7:3

Nada tola ho marbagas dohot halahi, ulang patola angka dakdanakmu marbagas dohot sada halak sian halahi,

JOSUA 23:12

Muda nada setia be hamu, gabe diihutkon hamu angka bangso na tinggal i dope di tonga-tongamunu jana marbagasi hamu dohot halahi,