NEHEMIA 13:23 - BIBEL JAMITA NA DENGGAN

²³ Laing huida muse ma di hatiha i na dung bahat do hape halak Jahudi na mambuat boru sian bangso Asdod, Amon dohot Moab.

NEHEMIA 13:23 Iomraidhean Croise

1 RAJA-RAJA 11:1

Por ma roha ni si Salomo mida bahat dadaboru sian bangso na asing. Asing sian boru ni raja Mesir i, laing dibuat si Salomo do muse angka boru Het, boru Moab, boru Amon, boru Edom dohot boru Sidon.

ESRA 10:10

Dung i jongjong ma si Esra jana mandok hata ma ia tu halahi, “Madung mardosa hamu dohot manambai hasalaan ni Israel hara ni na mambuat boru ni bangso na asing.

ESRA 10:44

Sudena halahi na dung mambuat boru ni bangso na asing do. Jadi gabe disirangkon halahi ma angka ripena i jana dipaorot rap dohot angka dakdanak ni halahi.

NEHEMIA 10:30

Hami sumpahon, na so marsibuatan boru hami dohot angka bangso na asing na maringanan di luatnami.

NEHEMIA 10:31

Muda adong bangso na asing na giot manggadis gandum sanga na barang aha pe tu hami di Ari Sabat sanga di ari na badia na asing i, nada giot tobusonnami i. Ganop di taon papituhon, nada giot karejohononnami ladang jana nada tungguonnami utang.

NEHEMIA 13:1

Di na manyisehon Uhum Ni si Musa i tu rayat i, dapot ma hatorangan songon on: ‘Na so tola do halak Amon dohot Moab mardomu dohot bangso ni Debata;

NEHEMIA 13:24

Deba sian dakdanak ni halahi nada dibotosa be hatanami sandiri, tapi marhata Asdod noma sanga marhata sileban na asing i.

NEHEMIA 13:27

Sun do da jahatmunu! Puluk hamu antong mangalo Debata marhite na mambuati boru sian bangso na asing!”

NEHEMIA 4:7

Di na tarbege tu si Sanbalat, si Tobia dohot angka halak na sian Amon dohot Asdod maradu angka halak Arab bahaso na dung mur maju na padenggankon tembok ni Jerusalem i jana na dung mamungka ditutup angka lubang-lubang na di tembok i, gabe sun ma muruk ni halahi.

HARURUAR 34:11

Tapi anggo ho angkon marsitiopan tu na Huparentahon tu ho sadari on. Ligi ma angkon Huayak halak Amori sian jolomu, songon i halak Kanaan, halak Het, halak Peris, halak Hewi dohot halak Jebus.

2 KORINTUS 6:14

Ulang ma hamu rap sapasangan dohot angka halak na so porsaya. Dia ma he tarbaen marsada hatigoran dohot hageduhan, sanga dia ma lakna pardonganan ni hatorangan dohot hagolapan?

PANGARATAION 7:1

“Giot obanon ni Tuhan Debatamu ma ho tu tano siingananmu jana paorotonNia ma bahat bangso sian i. Di jolo ni matamu ayahonNia ma pitu bangso na gumodang jana na gumogo sian ho: Halak Het, Girgasi, Amori, Kanaan, Peris, Hewi dohot Jebus.

RUT 1:4

Mambuat boru Moab ma halahi na dua, i ma si Orpa dohot si Rut. Dung sampulu taon,

1 SAMUEL 5:1

Dung dirampas halak Pilistin Poti Parjanjian ni Debata, dioban halahi ma i sian Eben-Haeser tu kota ni halahi, di Asdod.