NEHEMIA 13:17 - BIBEL JAMITA NA DENGGAN

¹⁷ Hugorahon ma angka pamimpin ni Juda i jana hudok, “Na so sadar dehe hamu bahaso na dung mambaen hajahatan hamu hara ni na pahodar Ari Sabat?

NEHEMIA 13:17 Iomraidhean Croise

NEHEMIA 13:11

Gabe hugorahon ma angka hatobangon dibaen dipadiar halahi antong margailan Bagas Ni Tuhan i. Jadi hupiohon ma mangulahi angka halak Levi dohot angka parmusik i jana husuru markarejo mangulahi.

NEHEMIA 13:16

Adong halak na sian Tirus na maringanan di Jerusalem maroban harasak dohot barang sigadison marragam-ragam tu Jerusalem di Ari Sabat, sigadison tu rayat i.

NEHEMIA 13:25

Hugorahon antong halahi jana huburai. Adong do na hubalbali jana hujangging obukna i, dung i husuru ma halahi marsumpa mangasahon goar ni Debata songon on: “Na so jadi lehenonmunu borumunu tu anak ni halahi, jana na so jadi alaponmunu boru ni halahi bahen dadaborumunu, sanga bahen dadaboru ni anakmunu sandiri!”

NEHEMIA 5:7

jana huputuskon ma laho mambaen tindakan. Jadi hugorahon ma angka hatobangon dohot pamimpin ni rayat i. Hudok ma, “Dipisat hamu do angka kahanggimunu sandiri!” Dung i hubaen ma sada rapot godang laho mangurus pangalaho i,

PODA 28:4

Sanga ise na pageduk uhum, mamihak tu na jahat; sanga ise na mangoloi uhum, mangalo halak na jahat.

JESAYA 1:10

Tangihon ma hata ni Tuhan ale angka pamimpin na songon pamimpin ni Sodom! Tangihon ma tona ni Debatanta ale rayat na songon rayat ni Gomora!

JEREMIA 13:18

Didok Tuhan tu au, “Suru ma raja i dohot namora i mijur sian habangsana i, angke madung madabu tukuna na jeges i sian ulunia.

JEREMIA 5:5

Dumengganan ma au kehe tu angka halak na godang anso mangkatai dohot halahi. Anggo halahi pasti diboto halahi sanga aha hagiot ni Tuhan Debata ni halahi.” Hape halahi sude pe nada ra diparenta Tuhan; nada ra halahi mangoloi Ia.

JEHESKIEL 20:13

Hape di padang parhorsihan i, dialo halahi muse do Au. Dilaosi halahi do angka tona na sian Au na manjamin mangolu tongtong sanga ise na patuluskonsa. Gabe hodar jana ramun dibaen halahi Ari Sabat i. Hara ni i, di parhorsihan i madung nian hobas Au laho palalu murukKu tu halahi dohot mamusa halahi.

HAMALIMON 19:17

Ulang ho marhosom sanga tu ise pe. Pasidung ma salisimu dohot halak i anso ulang mardosa ho hara ni ia.

MIKA 3:1

Tangihon hamu ale angka parkuaso ni Israel! Sapatutna nian angkon porluhononmunu do hatigoran,

MIKA 3:9

Tangihon hamu ma angka hatangkon, ale hamu angka parkuaso ni Israel na magigi mida hatigoran jana na pabalik-balikkon na tutu.