NEHEMIA 13:16 - BIBEL JAMITA NA DENGGAN

¹⁶ Adong halak na sian Tirus na maringanan di Jerusalem maroban harasak dohot barang sigadison marragam-ragam tu Jerusalem di Ari Sabat, sigadison tu rayat i.

NEHEMIA 13:16 Iomraidhean Croise

NEHEMIA 13:15

Huida ma di hatiha i sanga na piga-piga halak di Juda na mamoro anggur di Ari Sabat. Adong muse deba nari na marmuat gandum, anggur, batu ni anggur, batu ni ara dohot barang-barang na asing di ginjang ni halode jana dioban tu Jerusalem. Hularang antong halahi marjagal di Jerusalem.

NEHEMIA 13:17

Hugorahon ma angka pamimpin ni Juda i jana hudok, “Na so sadar dehe hamu bahaso na dung mambaen hajahatan hamu hara ni na pahodar Ari Sabat?

HARURUAR 20:10

tapi ari papituhon, i ma Ari Sabat ni Tuhan, Debatamu. Nada jadi mangkarejohon nasa karejo di na sadari i, bope ho, bope anakmu, bope borumu, bope naposomu halaklahi, bope naposomu dadaboru, bope pahan-pahananmu, bope halak na mardagang di hutamu.

HARURUAR 23:12

Angkon markarejo hamu onom ari di bagasan saminggu, tapi ulang hamu karejo anggo di ari papituhon, anso tarbaen angka hatobanmunu dohot halak na asing na markarejo di hamu bope angka pahan-pahananmunu maradian.

PANGARATAION 5:14

tapi ari papituhon, i ma Ari Sabat ni Tuhan Debatamu. Nada jadi mangkarejohon nasa karejo di na sadari i – bope ho, bope anakmu, bope borumu, bope naposomu halaklahi, bope naposomu dadaboru, bope lombumu, bope halodemu, sanga halak na mardagang di hutamu. Angka naposomu pe angkon maradian do laing songon ho sandiri.