NEHEMIA 13:14 - BIBEL JAMITA NA DENGGAN

¹⁴ Ale Debatangku, ingot ma sude na dung hubaen tu BagasMu dohot tu na mangoloi disi.

NEHEMIA 13:14 Iomraidhean Croise

2 RAJA-RAJA 20:3

“Tuhan, ingot ma na dung huoloi Ho sian burju dohot situtu ni rohangku. Sai hugogo do anso hupatulus hagiotMu.” Lalu mangangguk ma si Hiskia.

1 JUJUR TAON 29:3

Jabat do hara ni holong ni rohangku di Bagas Ni Debatangki, madung hupasahat muse perak dohot sere sian sinadonganku sandiri:

2 JUJUR TAON 24:16

Dikuburkon di kuburan ni raja-raja i do ia di Kota Ni si Daud laho marningot angka jasania tu Debata, tu Bagas Ni Debata dohot tu bangso Israel.

ESRA 7:20

Jana sude haporluan na asing di Bagas Ni Tuhan tola do pangidoonmu sian kas ni harajaan.

ESRA 7:24

Nada tola buatonmunu pajak sian angka malim, halak Levi, parende, panjago pintu horbangan, parkarejo, sanga sian ise sajo na adong hubunganna dohot Bagas Ni Tuhan.

ESRA 7:27

Jadi didok si Esra ma, “Puji ma Tuhan, Debata na nisomba ni ompunta i! Madung disungguli Ia roha ni raja gabe ra ia mangalehen rohana tangkas tu Bagas Ni Tuhan di Jerusalem.

NEHEMIA 13:22

Jadi husuru ma angka halak Levi patupahon upacara paiaskon diri dohot manjago angka pintu horbangan laho mangawasi anso dipasangap halak Ari Sabat i. Martangiang ma au, “Ale Debatangku laing ingot ma au hara ni pangalahongki jana ibo ma rohaMu di au hombar tu godang ni holong ni rohaMu.”

NEHEMIA 13:31

Laing huatur muse ma anso rade dibaen rayat i soban sipakeon tu parhaulan di hatiha na tontu jana dioban haul sian suha ni gandum na parjolo malamun. Ujungna martangiang ma au, “Debatangku, ingot ma sudena on jana ibo ma rohaMu mida au.”

NEHEMIA 5:19

Pangidoanku ale Debata, ingot ma sasude na dung hubaen i di bangso on jana pasupasu ma au.”

JESAYA 38:3

“O Tuhan, ingot ma na dung huoloi Ho sian haburjuon dohot bulus ni rohangku. Sai huparayak do mangoloi hagiotMu.” Dung i tangis ma si Hiskia, lungun partangisnia i.

IBRANI 6:10

Nada Debata na so tigor. Nada halupahononNia sanga aha na denggan na nibaenmunu tuSia. Sai na ingotonNia do holong ni roha na nipatuduhonmunu tuSia di bagasan pangurupionmunu na nipasahatmunu maradopkon angka dongan Kristen na asing i. Jana lopus saonnari pe laing dilehen hamu do pangurupion i.

HALUMBAAN 3:5

Angke pakean na songon i ma bontarna na giot pakeon ni angka halak na monang. Nada sesaonKu be goar ni halahi sian buku hangoluan, tapi okuonKu ma halahi di adopan ni Damang dohot di adopan ni angka surusuruanNia paboa na Au nampuna halahi.