NEHEMIA 12:47 - BIBEL JAMITA NA DENGGAN

⁴⁷ Di hatiha ni si Zerubabel jana songon i muse di hatiha ni si Nehemia, mangalehen haul do sude halak Israel laho manggohi haporluan siganop ari di angka parende i dohot di panjago horbangan ni Bagas Ni Tuhan. Dilehen rayat i ma haul na mardohonan tu angka halak Levi jana dilehen halak Levi muse ma i tu angka malim bagian na ditontuhon humani.

NEHEMIA 12:47 Iomraidhean Croise

2 RAJA-RAJA 7:10

Jadi gabe mulak ma halahi tu Samaria jana pio-pio ma halahi tu panjago ni horbangan ni kota i, “Ma kehe hami tu parbandaran ni halak Siria i, hape nada adong halak disi. Laing tambat do kudo dohot halode ni halahi hami dapot, jana angka bandar i madung ditadingkon halahi songon i sajo.”

ESRA 2:2

Angka na mamimpin halahi, i ma si Zerubabel, si Jesua, si Nehemia, si Seraya, si Reelaya, si Mordehai, si Bilsan, si Mispar, si Bigwai, si Rehum, dohot si Baana. On ma daftar ni Israel marsasaompu, dohot bahat ni halakna sian ganop horong na mulak sian habuangan:

NEHEMIA 11:23

Geleran ni ganop horong laho mangurus musik di Bagas Ni Tuhan ganop ari, paraturan ni raja do manontuhon i.

NEHEMIA 12:1

Angka on ma malim dohot halak Levi na mulak sian habuangan rap dohot si Zerubabel anak ni si Sealtiel dohot Malim Godang Jesua, si Seraya, si Jeremia, si Esra.

NEHEMIA 12:12

On ma goar-goar ni angka kapala ni malim dohot sisolhot ni halahi dompak na markarejo si Joyakim gabe Malim Godang: Malim Meraya sian horong ni si Seraya, Hananya sian horong ni si Jeremia.

NEHEMIA 12:26

Di hatiha ni si Joyakim anak ni si Jesua jana pahompu ni si Josadak dohot di hatiha ni Gubernur Nehemia dohot Malim Esra Ahli Uhum i do halahi mangolu.

GALATIA 6:6

Sanga ise na manjagit pangajaran sian Hata i angkon bagionna do tu guruna sandok na denggan na adong disia.

PANGARATAION 18:8

Angkon dos do jagitonnia bahat ni panganon laing songon angka malim na asing, saasing ni bagianna sandiri sian ompunia, gabe nampunania do i.”