NEHEMIA 12:43 - BIBEL JAMITA NA DENGGAN

⁴³ Di ari i bahat do haul na dihaulkon tu Tuhan. Marmoga-moga ma rayat i dibaen madung marjop ni roha halahi dibaen Debata. Angka dadaboru pe dohot dakdanak dohot do marpesta, jabat do habegean sora ni halahi na marmoga-moga i tu na dao.

NEHEMIA 12:43 Iomraidhean Croise

2 JUJUR TAON 20:13

Jadi laing marjongjongan ma sude angka halaklahi ni Juda i rap dohot angka dadaboruna maradu angka dakdanak ni halahi di jolo ni Bagas Ni Debata i.

2 JUJUR TAON 20:27

Dung i dipimpin si Josafat ma sude pasukan i mulak tu Jerusalem mardongan jop ni roha hara ni na talu musu i dibaen Tuhan.

2 JUJUR TAON 7:10

jana ancogotna i, i ma di tanggal dua pulu tolu bulan pitu, disuru si Salomo ma halahi mulak. Marmoga-moga ma halahi hara ni sude na denggan na nibaen ni Tuhan tu bangsoNa Israel, tu si Daud dohot tu si Salomo.

ESRA 3:13

jadi gabe nada habotoan be antara ni sora ni na marmoga-moga dohot na tangis. Hara ni gogona jabat do tarbege tu na dao.

NEHEMIA 12:27

Di na pasahatkon tembok ni kota Jerusalem i tu Tuhan, diontang do sude angka halak Levi sian inganan ni halahi be anso dohot mamestahon peristiwa i marhite angka ende tarimakasi, dohot angka musik gambus bope hasapi.

NEHEMIA 12:42

di pudi ni halahi mardalan ma si Maaseya, si Semaya, si Eleasar, si Usi, si Johanan, si Malkia, si Elam dohot si Eser. Marende ma angka parende na nipimpin ni si Jisrahya.

JOB 34:29

Muda diputuskon roha ni Debata manghohom Ia, nada adong sahalak pe manggagaisa. Muda ditabunihon Ia bohiNia, nada adong be sanga ise na marsuohonsa.

MASMUR 27:6

Jadi saonnari madung godang au di angka musu na humaliang au. Mardongan sora na gogo marmoga-moga huhaulkon ma haul mandok tarimakasi di bagasMu; marende ma au tu Tuhan lalu mamujiSa.

MASMUR 28:7

Diondihon jana diampini Tuhan do iba, tuSia ma au marpos ni roha. Diurupi jana dipagodang Ia do rohangku, marmoga-moga hupuji ma Ia mardongan ende puji-pujian.

MASMUR 9:2

Hara ni Ho, dapot au roha na sonang hupuji goarMu, Tuhan Na Markuaso.

MASMUR 92:4

Angke dipamoga pambaenanMu do rohangku, marende jop ni roha au hara ni karejoMu.

JESAYA 61:3

Mangalehen parhiasan ni ulu gonti ni abu, miak pesta gonti ni abit goni, ende puji-pujian gonti ni roha na gale, anso dohonon ni halak ma halahi “Hayu tarbantin hasintongan”. “Suan-suanan ni Tuhan laho pataridahon hagodanganNia.”

JEREMIA 31:13

Manortori ma disi angka bujing-bujing marjop ni roha bage. Na matobang dohot na poso, rap marmoga-moga do, dibaen giot lehenonKu tu halahi apo-apo. Hupauba arsak ni halahi gabe moga, hasusaan Hugonti gabe tua.

JEREMIA 33:11

Tapi habegean ma mangulahi di angka inganan i sora ni jop ni roha dohot hamogaan maradu sora ni na haroan boru. Tarbege muse ma ende ni halak na maroban haul hatarimakasion tu bagasKu. Dokkonon ni halahi ma, ‘Mandok tarimakasi ma tu Tuhan Na Markuaso i, angke na burju do Ia jana hot do holong ni rohaNa i.’ Sonang ma baenonKu luat on songon di mulana. Au Tuhan, madung mandok songon i.”

BILANGAN 10:10

Bope di angka ari sijop ni rohamunu, i ma di angka Pesta Bulan Na Baru, dohot pesta-pesta ugamo na asing i, angkon paluonmunu do sarune i dompak manghaulkon haul situtungon dohot haul haluaan tu Au, dung i urupanKu ma hamu, angke Au do Tuhan Debatamu.”

MATEUS 21:15

Tapi muruk-muruk ma angka kapala ni malim dohot angka Siboto Surat Jahudi marnida angka hahomangan na masa i na nipatupa ni Jesus. Muruk muse ma halahi patangi-tangi angka dakdanak na marsurahi dohot na pio-pio di Bagas Ni Debata i, “Hosana ma di Anak Ni si Daud!”

MATEUS 21:9

Mamungka ma marsurahi halak na mardalan di jolo dohot na di pudi ni Jesus. Ninna halahi ma, “Hosana ma di Anak Ni si Daud! Dipasupasu ma Ia na ro di bagasan goar ni Tuhan! Puji ma Debata Na Gumincat i!”

JOHANNES 16:22

Laing songon i ma hamu: Susa ma rohamunu saonnari, tapi marsuo dope Au dohot hamu, gabe jop ma rohamunu; jana nada tarbuat sanga ise hajopjop ni roha i sian hamu.

EPESUS 5:19

Pake hamu ma sian hata ni Masmur, angka ende puji-pujian tu Tuhan dohot angka ende partondion di angka pangkobarionmunu. Marjop ni roha ma hamu jana ria marende mamuji-muji Tuhan i.

JAKOBUS 5:13

Muda topet adong na susa sian hamu, martangiang ma ia. Muda adong na marjop ni roha, marende ma ia mamuji Debata.

1 SAMUEL 4:5

Dung lalu Poti Parjanjian i di parbandaran i, marsurak ma halak Israel maradu gogo jabat humutur tano i.