NEHEMIA 11:14 - BIBEL JAMITA NA DENGGAN

¹⁴ Adong do 128 halak sian horong on angka pahlawan na barani. Si Zabdiel do pamimpin ni halahi, i ma anak ni si Gedolim.

NEHEMIA 11:14 Iomraidhean Croise

1 JUJUR TAON 26:6

Si Semaya anak siangkaan ni si Obed-Edom, adong do onom anaknia: Si Otni, si Refael, si Obed, si Elsabad, si Elihu dohot si Semakia; angka halak na godang do sudena i jana na marbakat, lumobi si Elihu dohot si Semakia.

1 JUJUR TAON 9:13

Angka malim na gabe kapala ripe, adong do 1.760 halak sudena. Angka na malo noma sudena halahi di ragam rupa ni karejo di Bagas Ni Debata.

NEHEMIA 11:13

Bahat ni kapala ripe di na sahorong i adong 242 halak. Si Amasai anak ni si Asareel jana pahompu ni si Ahsai. Deba sian ompu na umpompar ia, i ma: Si Mesilemot dohot si Imer.

NEHEMIA 11:15

Angka halak Levi: Si Semaya anak ni si Hasub jana pahompu ni si Asrikam. Angka ompu na umpompar i deba i ma: Si Hasabya, dohot si Buni. Si Sabetai dohot si Josabad, i ma angka halak Levi na manontuhon di na mangawasi parkarejoan di ruar ni Bagas Ni Tuhan. Si Matania anak ni si Mika jana pahompu ni si Zabdi na sian pomparan ni si Asap. Ia do na mamimpin angka parende di na martangiang tarimakasi. Si Bakbukya wakil ni si Matania. Si Abda anak ni si Samua jana pahompu ni si Galal, na sian pomparan ni si Jedutun. Pungu ma sude 284 halak.

NEHEMIA 11:22

Pangawas ni angka Levi na maringanan di Jerusalem, i ma si Usi anak ni si Bani jana pahompu ni si Hasabia. Ompu na umpompar ia deba, i ma, si Matania dohot si Mika. Masuk tu horong ni si Asap do ia, i ma na markarejo marende na di Bagas Ni Tuhan.

NEHEMIA 12:42

di pudi ni halahi mardalan ma si Maaseya, si Semaya, si Eleasar, si Usi, si Johanan, si Malkia, si Elam dohot si Eser. Marende ma angka parende na nipimpin ni si Jisrahya.