NEHEMIA 11:1 - BIBEL JAMITA NA DENGGAN

¹ Hot ma maringanan angka pamimpin di Jerusalem jana mambaen undi ma rayat i laho sada ripe sian ganop sampulu ripe na angkon tinggal di kota na badia Jerusalem. Angka na so tarpili i, tola do maringanan di angka kota na asing.

NEHEMIA 11:1 Iomraidhean Croise

1 JUJUR TAON 26:13

Ganop horong, na bahat sanga siotik-otik, angkon dohot do manarik undian anso diboto sanga na di pintu dia halahi manjago.

1 JUJUR TAON 8:28

Angka halahi ma kapala ripe dohot pamimpin na tarsurat di tarombo ni halahi. Maringanan di Jerusalem do halahi.

1 JUJUR TAON 9:1

Tarsurat do sude halak Israel mangihutkon horongna be. Tarsurat do i di bagasan Buku Raja-raja Ni Israel. Dioban do rayat ni Israel tu habuangan laho manguhumi halahi hara ni dosana.

1 JUJUR TAON 9:2

Na parjolo mulak sian halahi tu tano dohot kota ni halahi, i ma angka halak na bahat, angka malim, halak Levi dohot angka na markarejo di Bagas Ni Debata.

1 JUJUR TAON 9:3

Angka na marasal sian Marga Juda, Benyamin, Efraim dohot Manase, maringanan di Jerusalem ma.

NEHEMIA 10:34

Hami, rayat, angka malim, dohot angka halak Levi, baenonnami ma undi ganop taon laho manontuhon sanga na horong dia na angkon paradehon soban tu angka haul sihaulkonon tu Tuhan Debatanami mangihutkon paraturan ni Uhum.

NEHEMIA 4:22

Salolot na masa i, husuru ma sude partugas dohot angka pambantu ni halahi marborngin di Jerusalem. Jadi songon i ma pangalahona gabe tarjago hami kota i borngin-borngin jana arianna i mambangun tembokna.

MASMUR 122:5

Dison ma angka raja ni Israel manguhumi bangsoNa.

MASMUR 122:6

Tangiangkon hamu ma hasonangan ni Jerusalem: “Anso sai sonang sude halak na manghaholongi ho.

PODA 16:33

Dibaen halak do undi, tapi Tuhan do na manontuhon sude alusna.

JESAYA 48:2

Nada hum i sajo, didok hamu dope pangisi ni kota na badia i hamu, na pasahat ngoluna tu Debata ni Israel, i ma Tuhan Na Markuaso i.

JESAYA 52:1

Jonggor ma, jonggor ma! Pake ma gogomu songon pakean ale Sion, pake ma pakean hamuliaonmi, ale Jerusalem kota na badia! Harana umpe sahalak na so disunat sanga na hodar nangkon masuk be tu ho.

MATEUS 27:53

Dung mulak mangolu Jesus sian hamatean, marruaran ma halahi sian kuburan i masuk tu Kota Na Badia. Bahat do halak na midaan halahi.

MATEUS 4:5

Dung i dioban Sibolis i ma Jesus tu Kota Na Badia. Dibaen ma Ia tu bungkulan ni Bagas Ni Debata.

BAENON NI ANGKA RASUL 1:24

Dung i ditangiangkon halahi ma i. Ninna halahi ma, “O Tuhan, Ho do na umboto sude roha ni jolma. Madung ditinggalkon si Judas tohonan harasulonnia. Madung mate ia. Hara ni i patuduhon ma tu hami, sanga ise do sian na dua on na nitodoMu gabe hasahatan ni karejo i manggonti si Judas.”

BAENON NI ANGKA RASUL 1:26

Dung i diundi halahi ma goar na dua i, jadi madabu ma tu si Matias. Jadi diangkat halahi ma ia gabe rasul anso rap dohot angka rasul na sabolas halak nari i.

JOSUA 18:10

Dung i didanggurkon si Josua ma undi anso tarboto sanga aha na nitontuhon ni Tuhan di halahi. Dung salpu i, dilehen si Josua ma tu ganop marga ni Israel na so dapotan parbagian ni tano i dope, tano bagianna be.