NEHEMIA 10:34 - BIBEL JAMITA NA DENGGAN

³⁴ Hami, rayat, angka malim, dohot angka halak Levi, baenonnami ma undi ganop taon laho manontuhon sanga na horong dia na angkon paradehon soban tu angka haul sihaulkonon tu Tuhan Debatanami mangihutkon paraturan ni Uhum.

NEHEMIA 10:34 Iomraidhean Croise

1 JUJUR TAON 24:5

Diundi do laho manontuhon karejo i, harana rap adong do na manjabat di Bagas Ni Debata dohot angka pamimpin ni ugamo sian pomparan ni si Eleasar bope sian pomparan ni si Itamar.

1 JUJUR TAON 24:7

On ma na dua pulu opat punguan i mangihutkon parjojor ni pangundina: 1. Joyarib 13. Hupa 2. Jedaya 14. Jesebeab 3. Harim 15. Bilga 4. Seorim 16. Imer 5. Malkia 17. Hesir 6. Miyamin 18. Hapises 7. Hakos 19. Petahya 8. Abia 20. Jeheskiel 9. Jesua 21. Jakin 10. Sekanya 22. Gamul 11. Elyasib 23. Delaya 12. Jakim 24. Maasia

2 JUJUR TAON 2:3

Ditongos si Salomo ma barita tu si Hiram raja ni Tirus songon on, “Mambaen hubungan dagang ma nian sugari tuan i dohot au laing songon tu si Daud amangki. Digadis tuan i do tu damang hayu sampinur Libanon laho mambangun bagas godangnia i.

ESRA 3:5

Tamba ni i taratur ma dipasahat halahi haul situtungon dohot haul di Ari Pesta Bulan Baru, dohot di sude parsuoan na asing na dipatupa laho marsomba Tuhan. Dipasahat halahi muse haul na niojar ni rohana be tu Tuhan.

NEHEMIA 11:1

Hot ma maringanan angka pamimpin di Jerusalem jana mambaen undi ma rayat i laho sada ripe sian ganop sampulu ripe na angkon tinggal di kota na badia Jerusalem. Angka na so tarpili i, tola do maringanan di angka kota na asing.

NEHEMIA 13:31

Laing huatur muse ma anso rade dibaen rayat i soban sipakeon tu parhaulan di hatiha na tontu jana dioban haul sian suha ni gandum na parjolo malamun. Ujungna martangiang ma au, “Debatangku, ingot ma sudena on jana ibo ma rohaMu mida au.”

PODA 18:18

Muda maradopan dua halak na gogo di pangadilan, tarpaberes do parkaro i marhite undian.

JESAYA 40:16

Nada tuk binatang di harangan godang Libanon baen haul situtungon, jana nada tuk angka hayu i baenon gabe sobanna.

HAMALIMON 24:5

“Buat ma dua bolas kilogram topung, dung i pohul ma i gabe dua bolas.

HAMALIMON 24:6

Payakkon ma roti i susun dua baris, onom roti sabaris, di ginjang ni meja na nilampis dohot sere na polin na di adopan ni Bandar Parmianan Ni Tuhan.

BILANGAN 28:2

“Parentahon ma tu bangso Israel, anso tongtong diingot halahi manghaulkon haul sipanganon na pajob roha ni Tuhan, hombar tu hatiha na dung ditontuhon.”

BAENON NI ANGKA RASUL 1:26

Dung i diundi halahi ma goar na dua i, jadi madabu ma tu si Matias. Jadi diangkat halahi ma ia gabe rasul anso rap dohot angka rasul na sabolas halak nari i.

JOSUA 9:27

Tapi tamba ni i, dibaen ia ma halahi gabe hatoban partaha soban dohot sialap aek baen di halak Israel dohot sipakeon di langgatan ni Tuhan. Lopus saonnari pe laing dikarejohon halahi do karejo i di inganan paribadatan na nitontuhon ni Tuhan.