NEHEMIA 10:30 - BIBEL JAMITA NA DENGGAN

³⁰ Hami sumpahon, na so marsibuatan boru hami dohot angka bangso na asing na maringanan di luatnami.

NEHEMIA 10:30 Iomraidhean Croise

2 RAJA-RAJA 23:25

Nada unjung dope adong sada raja na songon Raja Josia pangoloina tu Tuhan sian sasude situtu ni rohana jana na patuduhonsa di sude pardalan ni ngoluna dohot pangalahona, hombar tu sude tona na dapot di buku ni si Musa. Dung Raja Josia, nada adong be raja na songon ia.

2 RAJA-RAJA 23:3

Dung i dibaen raja i ma parjanjian dohot Tuhan anso burju mangoloi tuSia dohot mandalankon sian sandok roha dohot sandok ate-ate sude parenta dohot angka tonaNia jana gohanna ma aturan ni parjanjian ni Tuhan dohot bangsoNa na tarsurat di bagasan buku i. Dohot do sude rayat marjanji anso burju mangoloi parjanjian i.

2 JUJUR TAON 34:31

Dung i dibaen raja i ma parjanjian tu Tuhan, paboa na oloannia ma Tuhan, jana dalankononnia sian sasude roha dohot tondinia sude parenta dohot angka uhumNia, jana gohannia sude aturan ni parjanjian tu Tuhan dohot bangsoNia na tarsurat di bagasan buku i.

NEHEMIA 10:1

Na parjolo manekenna, i ma Gubernur Nehemia anak ni si Hakalya. Dung i diihutkon si Zedekia. Dung i ihutma angka halak na mangihut on jojor muse maneken:

NEHEMIA 13:23

Laing huida muse ma di hatiha i na dung bahat do hape halak Jahudi na mambuat boru sian bangso Asdod, Amon dohot Moab.

NEHEMIA 13:25

Hugorahon antong halahi jana huburai. Adong do na hubalbali jana hujangging obukna i, dung i husuru ma halahi marsumpa mangasahon goar ni Debata songon on: “Na so jadi lehenonmunu borumunu tu anak ni halahi, jana na so jadi alaponmunu boru ni halahi bahen dadaborumunu, sanga bahen dadaboru ni anakmunu sandiri!”

NEHEMIA 13:30

Songon i ma hubaen paiaskon bangso Israel sian sude na asing. Hupahot karejo ni angka malim, dohot angka halak Levi, jadi gabe adong be ma karejo ni halahi sada-sada be.

NEHEMIA 5:12

Dialusi angka pamimpin i ma, “Ihutkononnami ma sipaingot i. Paulahonnami ma sudena jana nada tuntutonnami garar ni sanga aha sian halahi.” Jadi hupiohon ma angka malim i, jana husuru angka pamimpin sinangkin marsumpa di jolo ni angka malim i paboa na tutu situtu patuluson ni halahi sanga aha na nidok ni halahi i.

MASMUR 119:106

Na hujanjihon mardongan sumpa gohanku ma i, haputusanMu na tigor i patulusonku do i.

HARURUAR 34:16

Muda dialap hamu boru ni halahi gabe parumaenmu, jana markarosuan ma angka daboru i mangihutkon debata ni halahi, gabe elek-elekon ni halahi ma angka anakmi anso dohot markarosuan mangihutkon debata ni halahi.

PANGARATAION 29:11

dadaboru dohot dakdanak, dohot sude halak sileban na maringanan di tonga-tongamunu partaba hayu dohot siporsan aek di hamu.

PANGARATAION 7:3

Nada tola ho marbagas dohot halahi, ulang patola angka dakdanakmu marbagas dohot sada halak sian halahi,