NEHEMIA 1:7 - BIBEL JAMITA NA DENGGAN

⁷ Anak panggagai do hami tu Ho jana pangalanggar di angka parentaMu. Nada hami oloi angka uhum na nilehenMu tu hami marhite si Musa, naposoMi.

NEHEMIA 1:7 Iomraidhean Croise

1 RAJA-RAJA 2:3

Patulus ma sanga aha na niparentahon ni Tuhan Debatamu tu ho. Oloi ma sude tona dohot angka parentaNia na tarsurat di buku ni si Musa, anso sai maruntung ho sanga tudia pe ho kehe dohot di sude sanga aha na nikarejohonmu.

2 JUJUR TAON 25:4

Tapi nada dibunu ia anggo angka dakdanak ni pagawe i harana diihutkon ia do parenta ni Tuhan na di Uhum Ni si Musa na mandok, “Ulang mate niuhuman simatobang hara ni hajahatan na nibaen ni angka dakdanakna, jana ulang mate niuhuman angka dakdanak hara ni hajahatan na nibaen ni angka simatobangna. Hara ni hajahatan na nibaenna sandiri do anso tola mate hona uhum sanga na ise.”

2 JUJUR TAON 27:2

Dipatupa ia do na pasonangkon roha ni Tuhan, mangihutkon tiruan ni amangnia. Hum on tutu, nada manutung dupa ia di Bagas Ni Debata songon na nibaen ni amangnia i. Tapi haru songon i pe, laing dipupu rayat i do na mardosa.

ESRA 7:6

Halak na marsikola do si Esra jana bahat do na binotonia salaho tu Uhum na nilehen ni Tuhan, Debata ni Israel tu si Musa. Dibaen dipasupasu Tuhan Debata do si Esra, gabe dilehen raja ma disia sandok na nipangidonia. Di taon papituhon mamarenta Raja Artahsasta, marangkat ma si Esra sian Babel manuju Jerusalem rap dohot sarombongan halak Israel, i ma angka malim, halak Levi, angka parende maradu panjago horbangan ni Bagas Ni Tuhan, dohot angka parkarejo.

MASMUR 106:6

Laing songon angka ompunami, hami pe madung mardosa, madung hami baen na jahat dohot na manggaga.

MASMUR 89:31

muda nada diterge halahi haputusanKu jana dipasiding paraturanKu,

MASMUR 89:32

gabe uhumanKu do halahi hara ni pangalaosionna i, jana Hupamasa parkancitan hara ni dosana i.

JESAYA 1:4

Marjaya ma hamu bangso pardosa, angka halak na so ture jana na jahat pomparan ni angka parjahat, angka dakdanak na marparange na jat! Ditulak jana ditinggalkon halahi do Tuhan Na Sun Badia i, Debata ni Israel, jana manghudukkon Ia.

DANIEL 9:11

Madung dipalayas sude Israel angka aturanMu jana nada ditangihon soraMu. Mardosa do hami maradopkon Ho, jana patunda ni i ma didondonkon Ho tu hami bura na tarsurat di Tona Ni si Musa, naposoMi.

DANIEL 9:13

Sude jaya hamamago na tarsurat di bagasan Tona Ni si Musa didondonkon Ho do tu hami. Tapi haru songon i pe, ale Tuhan Debatanami, laing hami gagai do laho pasonang rohaMu. Laing hot do hami na so ra manadingkon angka dosanami jana nada hami parrohahon angka pangajaranMu.

HOSEA 9:9

Na lobi do jahatmunu songon na dung unjung dibaen halak Gibea. Ingoton ni Debata do hasalaanmunu jana uhumanNa hamu hara ni dosamunu i.

HAMALIMON 27:34

I ma angka parenta na nilehen ni Tuhan di ginjang ni Dolok Sinai tu halak Israel marhite si Musa.

ZEPANYA 3:7

Ning rohangKu ma, “Anggo saonnari pasti pasangapan ni bangsongKi ma Au, jana tangihononna sandok sipaingotKu. Hapengani, mur tu jotjotna do halahi mambaen jahat martimbangkon na salpu.

MALEAKI 4:4

Ingot hamu ma angka Tona na niajarkon ni naposongKu si Musa, ingot hamu ma angka aturan dohot angka parenta na Hulehen tusia di Dolok Sinai na gabe sioloan ni sandok halak Israel.

PANGARATAION 4:1

Dung i didok si Musa ma tu bangso i, “Oloi hamu ma sude aturan na huajarkon tu hamu, anso tola hamu mangolu dohot mangingani tano na giot silehenon ni Tuhan, Debata ni ompumunu tu hamu.

PANGARATAION 4:5

Madung huajarkon sude angka aturan i tu hamu, songon na niparentahon ni Tuhan Debata tu au. Karejohon hamu ma sudena i di tano na giot simasuhan dohot siingananmunu.

PANGARATAION 5:1

Dipalagut si Musa ma sude bangso Israel jana didok ia ma tu halahi, “Dongan sabangso, tangihon hamu ma sude aturan na giot silehenonku tu hamu sadari on. Parsiajari hamu ma angka aturan i jana haburjuhon hamu ma mangoloisa.

PANGARATAION 6:1

“Tuhan Debatamunu i do marsuru au mangajarkon sude aturan on tu hamu. Oloi hamu ma sudena i di tano na giot siingananmunu di na so pola lolot be.

HALUMBAAN 19:2

Dibaen na sintong jana na tigor do angka uhumNia, angke diuhumi Ia do panggampang godang i, na manyegohon tano on markite-hite panggampangonnia i, jana Ia do na mambaloskon mudar ni angka naposoNia tu panggampang i.”