NEHEMIA 1:4 - BIBEL JAMITA NA DENGGAN

⁴ Umbege barita i, juguk ma au jana tangis. Sanga na piga ari lolotna sai tangis au. Torus do au puaso lalu martangiang tu Debata,

NEHEMIA 1:4 Iomraidhean Croise

2 SAMUEL 12:16

Dung i ditangiangkon si Daud ma tu Tuhan anso malum dakdanak i. Puaso ma ia jana ganop borngin sai modom di lante ni biliknia ma ia sasaborngin.

2 RAJA-RAJA 22:19

Jana hara ni i gabe manyosal ho jana dipatoruk ho dirimu di jolongKu. Disibakkon ho do pakeanmu jana tangis ho tanda ni marsakmu di na nibegemu ancaman na Hudok giot manguhumi Jerusalem dohot halak na maringanan disi, jana mambaensa gabe panatapan na jorbut, jana goar ni Jerusalem gabe goar bura noma. Tapi madung Hutangihon tangiangmi.

ESRA 1:2

“On ma parenta ni si Kores, raja ni Persia. Madung dibaen Tuhan, Debata Na Markuaso di banua ginjang au gabe raja di sandok portibi on, jana ditugaskon do au laho mambangun sada bagas diSia di Jerusalem na di tano Juda.

ESRA 10:1

Jadi taran na martangiang i si Esra lalu na tangis ia mangaku dosa di Bagas Ni Tuhan i, bahat sajo do halak Israel ro marlagut, halaklahi bope dadaboru dohot angka dakdanak. Dihuliangi halahi ma ia lalu tangis mangangguhi.

ESRA 9:3

Umbege pangalaho i, gabe mandele situtu ma au. Jadi gabe husibakkon ma pakeanku jana hujanggingi ma obukku dohot janggutku, juguk ma au songon i markutondo.

ESRA 9:5

Di na mamungka pasahatkon haul andospotang, jongjong ma au sian juguhan parkutondoanki jana laing marpakean na mangkasibak, manungkap ma au manyurduhon tanganku tu Tuhan Debatangku.

NEHEMIA 2:20

Hualusi ma, “Baenon ni Debata na markuaso di banua ginjang i do marhasil karejonami on. Angka naposoNia do hami na giot mamungka mambangun on. Tapi anggo hamu nada marhak marnampunahon sanga na aha anggo di Jerusalem on. Antong goarmunu pe nada dokkon-dokkonon muda manghobari halak salaho tu Jerusalem.”

NEHEMIA 2:4

Marsapa ma raja i, “Antong, aha do giotmu?” Martangiang ma au di bagasan rohangku tu Debata na markuaso di banua ginjang i,

MASMUR 102:15

Dihabiari angka bangso noma Tuhan, sandok raja manghabiari kuasoNia,

MASMUR 136:26

Dok ma tarimakasi tu Debata pangarajai ni langit; hot do holong ni rohaNia sapanjangna.

MASMUR 137:1

Di topi ni angka batang aek di Babel, disi do hita juguk huhut tangis muda hita ingot Sion.

DANIEL 10:2

Marsiluluton do au di hatiha i tolu minggu.

DANIEL 2:18

Disuru ia ma halahi martangiang tu Debata na di banua ginjang i anso ibo rohaNia mida halahi jana anso dipaboa arti ni nipi i. Jadi muda songon i nada be bunuon halahi rap dohot angka na pistar na adong si Babel.

DANIEL 9:3

Dung i huadopkon ma bohingku tu Tuhan Debata lalu martangiang mangido huhut marpuaso. Jana mamake baju siluluton jana juguk di ginjang ni abuan.

JUNUS 1:9

Dialusi si Junus ma, “Halak Ibrani do au. Tuhan Debata na di banua ginjang i do husomba, i ma na manompa laut dohot darat.”

ZEPANYA 3:18

songon halak na topet marpesta.” Didok Tuhan, “AngkatonKu ma hasusaan sian ho, jadi nada tanggungonmu be halayasan.

SURAT NI SI PAULUS TU PARLAGUTAN ROM 12:15

Marjop ni roha ma hamu dohot angka na marjop ni roha, jana tangis ma hamu dohot angka na tangis.