NEHEMIA 1:3 - BIBEL JAMITA NA DENGGAN

³ Dicaritohon halahi ma, hapengani na mahancit do ngolu ni angka halak na tarbuang na dung marmulahan mangulahi tu tanona i hara ni na nipalayas ni angka bangso na humaliangna i. Boti muse, laing na maropuk-ropuk dope masarsar angka tembok ni kota Jerusalem jana angka pintu horbanganna i pe nada podo dipadenggan mamungka sian na hona surbu di hatiha na salpu.

NEHEMIA 1:3 Iomraidhean Croise

1 RAJA-RAJA 9:7

gabe paruaronKu ma bangsongKu Israel sian luat na dung Hulehen di halahi. Au pe tinggalkononKu ma bagas parsombaan na dung Hudokkon gabe inganan na dung mardohonan laho marsomba tu Au. Sanga didia pe halak Israel angkon dilayasi jana dipartatai halak.

2 RAJA-RAJA 25:10

Disegohon angka parangannia muse ma angka tembok ni kota i.

2 JUJUR TAON 36:19

Ditolbakkon ia ma tembok ni kota Jerusalem jana disurbu ia kota i dohot Bagas Ni Tuhan maradu bagas godang maradu sude angka barang sigodang arga na adong dope di bagasan angka bagas godang i.

ESRA 2:1

Bahat do sian tonga-tonga ni angka halak na tarbuang i na manadingkon Luat Babel lalu mulak tu Jerusalem dohot Juda, marsitopot kotana be. Mangolu di bagasan habuangan na di Babel noma angka keluarga ni halahi mamungka sian na hona angkat tusi dibaen Raja Nebukadnesar.

ESRA 5:8

Diarop roha torang di raja i, bahaso na dung kehe hami tu propinsi Juda na hami ida anggo Bagas Ni Tuhan, Debata Na Bolon i, hatiha dibangun ma mangulahi dohot angka batu na godang-godang dohot angka tembok na nilampisan dohot hayu. Manat situtu do dibaen panjama ni karejo i jana lancar do pardalanna.

NEHEMIA 11:3

Di angka kota na asing i, maringanan di tanona sandiri be do rayat ni Israel, angka malim, angka halak Levi, angka parkarejo di Bagas Ni Tuhan dohot pomparan ni angka pangoloi ni si Salomo di angka kota ni halahi be. Anggo halak Juda dohot Benyamin maringanan di Jerusalem do.

NEHEMIA 2:13

Borngin dope ari di na lalu hami tu kota i mamolus sian Pintu Horbangan Lombang na di sabola Hasundutan. Adop Selatan ma hami kehe tu Pintu Horbangan Rompak mamolus sian Mata Mual Naga. Hupareso ma di pardalanan i na dung gabe ropuk-ropuk noma tembok ni kota i dohot angka pintu horbanganna i madung abis dipangan api.

NEHEMIA 2:17

Tapi dung i hudok ma tu halahi, “Ligi hamu ma pangalaho ni pardangolanta on! Tinggal na magargar noma Jerusalem dohot angka pintu horbanganna pe ma abis dipangan api. Tole ma tabangun mangulahi angka tembok ni kota Jerusalem on anso ulang marlayas be hita.”

NEHEMIA 2:3

jana hualusi ma, “Sai horas ma da raja i sapanjanna! Bia ma he so marsak iba, anggo laing na tinggal maropuk do kota inganan ni kuburan ni angka daompung boti angka pintu horbanganna i pe madung abis dipangan api.”

NEHEMIA 7:6

Bahat sian halak buangan na manadingkon propinsi Babel jana mulak tu Jerusalem dohot Juda marsitopot kotana sandiri. Madung honok do angka kahanggi ni halahi mangolu di habuangan na di Babel, mamungka ma i sian na hona oban halahi dibaen si Nebukadnesar gabe tabanan.

ESTER 1:1

Songon on ma na tarjadi di hatiha ni si Ahasweros, i ma si Ahasweros na mangarajai saratus dua pulu pitu luat, mamungka sian India lopus tu Etiopia.

MASMUR 79:4

Gabe siincahan ni angka bangso na hombar hami, dipartatai jana diincahi halahi do hami.

PODA 25:28

Jolma na so tarbaen mangarajai dirina tudos do i tu kota na dung marumpak partahananna.

JESAYA 43:28

Patunda ni i pahodaronKu noma angka malim di BagasKu, jana Israel pasahatonKu anso dipabile jana diabiskon.”

JESAYA 5:5

Antong, songon on noma baenonKu kobun anggurKi: AngkatonKu noma handang na humaliang kobun i, tembok na manjagohon kobun i pe rumpakkononKu noma i, padiaronKu ma angka binatang riar manjampali i lalu mandege-degesa.

JEREMIA 24:9

Giot baenonKu ma halahi gabe marjaya, lopus gabe mabiar sandok bangso na adong di tano on. Sanga na di dia angkon Hupaserak halahi, siincak-incahan halahi, sipartataan jana sipargonjak-gonjakkonon. Songon hata bura do goar ni halahi.

JEREMIA 29:18

Kojar-kojaronKu halahi marhite porang, tangkuraparon, dohot nyae masa lopus jorbut pangkilalaan ni sude bangso na satano on marnida na masa tu halahi. Siincak-incahan noma halahi jana goar ni halahi gabe songon bura.

JEREMIA 39:8

Disurbu angka halak Babel i muse ma bagas godang ni raja i dohot angka bagas ni rayat lalu diparrumpakkon ma angka tembok ni Jerusalem i.

JEREMIA 42:18

Songon dia pangalaluhonKu, Au Tuhan Na Markuaso, Debata ni Israel, di hamumurukKu dohot hosom ni rohangKu tu halak Jerusalem, songon i muse ma palaluonKu hosom ni rohangKu tu hamu na kehe tu Mesir i. Gabe mabiar ma halak mida hamu; incahanna hamu, jana goarmunu baenon ni halak gabe songon bura. Nada idaonmunu be bona bulumunu on.”

JEREMIA 5:10

SuruonKu ma musu i laho manyegohon kobun anggur ni halahi, tapi nada jabat pola mambaen buang kobun i. SuruonKu ma musu i manggotap ranting ni angka bona ni anggur ni halahi, angke nada Au antong nampuna angka rantingna i.

JEREMIA 52:14

Dung i dirumpakkon angka parangannia i ma angka tembok ni kota i.

ANDUNG 1:7

Tarsingot ma Jerusalem tu hatihana najolo, taran bahat dope disia hamuliaan; lalu mardangol ma ia boti maronco. Songon i taran madabu ia tu tangan ni musuna, jana sahalak pe nada adong na ro mangurupisa. Martata-tata sajo ma angka musunia paida-ida parrumpaknia.

ANDUNG 2:9

Ditutup tano angka horbanganna, marponggolan dohot angka goruk-gorukna; di habuangan noma raja dohot na umboto mamarenta. Uhum Ni Tuhan nada be diajarkon; panurirang pe nada be manjagit boa-boa sian Tuhan.

ANDUNG 3:61

Dibege Ho do, ale Tuhan, dipalayas au; diboto Ho do sangkap ni halahi sudena.

ANDUNG 5:1

Ingot ma, ale Tuhan, sude na tarjadi tu hami. Tatap ma hami jana ligi ma habileannami.

HAMALIMON 26:31

Angka kota Hugonti dohot banggar na mosok, inganan panyombaanmu angkon Huroncohon bope angka haulmunu nada jagitonKu.

HAMALIMON 26:33

ParoonKu ma parporangan di luatmunu jana manyarsar hamu di luat na leban. Angka ladangmu gabe tarulang jana kotamu gabe abu.