NEHEMIA 1:11 - BIBEL JAMITA NA DENGGAN

¹¹ Tangihon ma tangiangku dohot tangiang ni sude naposoMu na asing i, na ra pasangankon Ho. Lehen ma pangurupiMu anso laing tulus naposoMon sadari on dapotan asi ni roha sian raja.” Siurus inumon ni raja do au di hatiha i.

NEHEMIA 1:11 Iomraidhean Croise

PAMUNGKAAN 24:42

Jadi di na lalu au nangkin tu sumur i, martangiang do au di bagasan rohangku, ‘Tuhan Debata ni tuanku si Abraham, sai baen ma manjadi na hulangkahon on.

PAMUNGKAAN 32:11

Na mangido ma au sian situtu ni rohangku, palua ma au sian tangan ni angkangku si Esau. Mabiar do au – mabiar betak sai ro ia manyerang lalu mangabiskon hami sude, bope dadaboru dohot dakdanak.

PAMUNGKAAN 32:28

Didok bayo i, “Nada si Jakob be goarmu. Madung marsiranggut ho mangalo Debata dohot mangalo jolma jana monang do ho; antong si Israel noma goarmu.”

PAMUNGKAAN 40:1

Dung adong sadia honok, mambaen hasalaan ma da tu raja dua halak parhobas ni raja Mesir, i ma pangurus ni siinumon dohot pangurus ni roti ni raja i.

PAMUNGKAAN 40:2

Gabe muruk ma raja i tu sidua halak parhobas i.

PAMUNGKAAN 40:21

Dipaulak ia ma pangurus ni siinumon i tu karejonia humani.

PAMUNGKAAN 40:23

Tapi anggo pangurus ni siinumon i nanggo diingot ia be na masa tu si Josep – sandok, lupa ma ia tu si Josep.

PAMUNGKAAN 41:9

Dung i didok pangurus ni siinumon i ma tu raja i, “Sadari on angkon mangoku ma au, jungada do hubaen hasalaan.

PAMUNGKAAN 43:14

Sai ibo ma roha ni gubernur i mida hamu dibaen Debata Na Gumogo i anso ra ia paulakkon si Benyamin dohot si Simeon tu hamu. Anggo salaho tu au, muda na angkon sai na magoan ma di angka dakdanakki, padiar ma agoan au di halahi.”

2 JUJUR TAON 6:40

Saonnari, ale Debatangku, pamanat ma halahi jana tangihon ma angka tangiang na dipasahat tu Ho sian inganan on.

ESRA 1:1

Di taon parjolo mamarenta si Kores, raja ni Persia, dipatulus Tuhan ma sanga aha na nijanjihonNia marhite Panurirang Jeremia. Disosoi Tuhan ma roha ni si Kores anso diharuarkon ia sada parenta sisisehononkon di sude harajaannia. Songon on ma hatana:

ESRA 7:6

Halak na marsikola do si Esra jana bahat do na binotonia salaho tu Uhum na nilehen ni Tuhan, Debata ni Israel tu si Musa. Dibaen dipasupasu Tuhan Debata do si Esra, gabe dilehen raja ma disia sandok na nipangidonia. Di taon papituhon mamarenta Raja Artahsasta, marangkat ma si Esra sian Babel manuju Jerusalem rap dohot sarombongan halak Israel, i ma angka malim, halak Levi, angka parende maradu panjago horbangan ni Bagas Ni Tuhan, dohot angka parkarejo.

NEHEMIA 1:6

Tatap ma au Tuhan, jana tangihon ma tangiang na hupagincat tu adopanMu arian dohot borngin salaho tu halak Israel, angka naposoMi. Huoku do anggo hami bangso Israel madung mardosa; salangkan au pe dohot angka daompung na dung mardosa muse do.

NEHEMIA 2:1

Sanoli, dung opat bulan, i ma di bulan Nisan, dompak hatiha mangan Kesar Artahsasta, huparade ma anggur disia, bohingku songon na sego. Na so unjung dope songon na sego bohingku anggo di adopan ni raja i songon na sadari i.

NEHEMIA 2:8

Tamba ni i, laing hupangido dope surat tu si Asap panjago ni harangan harajaan, anso dipasingkop ia hayu sibaenon tu pintu horbangan ni benteng na manjagohon Bagas Ni Tuhan, dohot sipakeon di tembok ni kota dohot bagas na giot ingananku. Dioloi raja i do sude pangidoanki, dibaen ditolong Debata do au.

MASMUR 106:46

Disosoi Ho roha ni sude alona, gabe maribo roha paida-idasa.

MASMUR 130:2

Tangihon ma ale Tuhan pio-piongku, parrohahon ma pangidoanku.

MASMUR 61:5

Angke madung ditangihon Ho janjingku, ale Debata, jana madung dilehen Ho di au angka na patut di ganup na porsaya tu Ho.

MASMUR 86:6

Parrohahon ma tangiangku ale Tuhan, tangihon ma angguk-anggukku mangido partolongan.

PODA 1:29

Nada jungada porlu dihilala hamu parbinotoan. Sai na matua losok do rohamunu mangoloi Tuhan.

PODA 21:1

Diatur Tuhan do pardalan ni batang aek marguru tu hagiotNa, songon i muse do diatur Ia pikiran ni raja.

JEREMIA 42:12

Hara ni ibo ni rohangKu mida hamu, baenonKu ma raja ni Babel i maribo ni roha mida hamu jana padiaronnia ma hamu maringanan ditanomu. Au Tuhan, madung mandok songon i.’ ”

MALEAKI 3:16

Jadi marsipandohonan ma angka halak na manghabiari Tuhan i na sada tu donganna. Dibege jana diparrohahon Tuhan do sanga aha na nihataan ni halahi i. Disuratkon do angka goar-goar ni na pasangapkon Tuhan dohot na mabiar mida Ia, di bagasan sada buku panyuratan na adong di joloNia.

IBRANI 13:18

Torus ma tangiangkon hamunu hami. Pos do rohanami na denggan do taroktoknami, angke sai ra do hami patuluskon na tigor.