MATEUS 8:3 - BIBEL JAMITA NA DENGGAN

³ Disurduhon Jesus ma tanganNia laho manjama bayo i. Didok Jesus ma tusia, “Ra do Au, malum ma ho!” Santongkin i mago ma nyaena i jana manigor malum.

MATEUS 8:3 Iomraidhean Croise

PAMUNGKAAN 1:3

Jadi mangkuling ma Debata, “Jadi ma na torang” gabe adong ma na torang.

2 RAJA-RAJA 5:11

Umbege i, kehe ma si Naaman hara ni muruknia. Didok ia ma, “Ninna roha ruar ma ia sandiri mandapotkon au, manigor martangiang tu Tuhan, Debatania i dohot mangapuskon tangannia di pamatangniba na marnyae on anso malum.

2 RAJA-RAJA 5:14

Jadi kehe ma si Naaman tu Batang aek Jordan, masuk ma ia markonong tu bagasan aek i pitu noli songon na nidok ni si Elisa i. Gabe malum ma si Naaman; torkis ma pamatangnia i mulak songon dia ma pamatang ni doli-doli.

MASMUR 33:9

Angke mandok hata Ia, gabe tarjadi ma sasudena dibaen Ia parenta, gabe adong ma sasudena.

HARURUAR 4:7

Dung i didok Debata ma, “Pamasuk mangulahi tanganmu tu bajumi.” Dioloi si Musa ma, dung ditarik ia mangulahi tangannia i, madung mulak jeges songon na somal.

MATEUS 12:13

Dung i didok Jesus ma tu partangan na mate sabariba i, “Pahortang ma tanganmi.” Jadi dipahortang ia ma antong! Gabe malum ma manigor, sarupa dohot tangannia na sabariba nari.

MARKUS 1:41

Ibo ma roha ni Jesus mida bayo i. Gabe dipahortang Ia ma tanganNia manjamasa. Didok Ia ma, “Ra do Au. Antong malum ma ho!”

MARKUS 4:39

Ngot ma Jesus, digorahon ia ma alogo i. Didok Ia ma, “So ma ho, pasonang ma!” Jadi so ma alogo i, manigor sonang sajo ma sude.

MARKUS 5:41

Digolom Jesus ma tangan ni dakdanak i, “Talita kum,” ning Ia. Talita kum astuanna: “O, Inang, Hudok ma di ho, ngot ma ho!”

MARKUS 7:34

Dung i manatap ma Jesus adop langit marhosa na ginjang, didok Ia ma tu bayo i, “Efata,” astuanna, “Mungkap ma ho!”

MARKUS 9:25

Dung diida Jesus, ma mamungka mur ribur halak, dipaorot Ia ma setan i haruar. Ning Ia ma, “Ho tondi na mambaen maingol jana na mambaen ngungu, Hudok tu ho, haruar ma ho sian dakdanak on, ulang be masuk ho tusia sanga andigan!”

LUKAS 4:27

Songon i muse do di hatiha ni Panurirang Elisa, bahat do halak na hona panyakit kusta di Israel, hape umpe sahalak sian halahi na dipamalum; hum si Naaman halak Siria i sajo do.”

LUKAS 5:13

“Ra do Au: Antong malum ma ho!” ning Jesus manyurduhon tanganNia manjama bayo i. Laing di na santongkin i mago ma manigor panyakit huliton i sian bayo i.

LUKAS 7:14

Dung i mangalangka ma Jesus saotik tu jolo manjama poti ni bangke i. Halak na maroban poti i pe gabe so ma halahi. Dung i didok Jesus ma, “O doli-doli, Au marsuru, ngot ma ho!”

JOHANNES 11:43

Dung didok Jesus songon i, dipagogo Ia ma soraNia pio-pio, “Haruar ma ho Lasarus!” ning Ia.

JOHANNES 15:24

Madung Hubaen di tonga-tonga ni halahi angka pangalaho na so jungada dibaen halak na asing sanga ise pe. Sugari na so Hubaen angka na songon i di tonga-tonga ni halahi, ias do halahi sian hasalaan. Saonnari haru pe madung diida halahi angka pangalaho i, hape laing hosom dope roha ni halahi tu Au dohot tu Damang.

JOHANNES 5:21

Songon Damang na manyungguli halak na mate, jana dilehen Ia hangoluan tu halahi; laing songon i muse ma Anak i mangalehon ngolu tu halak, sanga ise giot ni rohaNia.