MATEUS 8:2 - BIBEL JAMITA NA DENGGAN

² Jadi ro ma sada halak na huliton. Manungkap ma ia marsomba tu Jesus. Didok ia ma, “O, Tuan! Sugari ra Ho, tarpamalum Ho do au.”

MATEUS 8:2 Iomraidhean Croise

2 SAMUEL 3:39

Haru pe au on raja na nipili ni Debata, gale do pangkilalaanku sadari on. Makejamtu do angka anak ni si Zeruya on. Inda tuk gogongku mangatasi halahi. Sai Tuhan ma na manguhumi angka parjahat on, marguru tu pambaenan ni halahi i!”

2 RAJA-RAJA 15:5

Huliton do ia dibaen Tuhan, jorbut sajo. Hara ni na so marnamalum nyaenia i, gabe dipaasing ma ia di sada bagas, jana dipalua ma ia sian angka karejonia lopus mate ia. Anaknia na margoar si Jotam ma mamarenta rayat i songon wakilnia.

2 RAJA-RAJA 5:1

Si Naaman, i ma panglima ni tentara Siria. Holong do roha ni raja ni Siria i mida ia jana diargahon do ia. Harana markite-hite si Naaman, madung dilehen Tuhan hamonangan di tentara Siria. Hape marnyae hulit na jorbut ma si Naaman panglima ni tentara i.

2 RAJA-RAJA 5:27

Hara ni na nijagitmu silehen-lehen i, laing jagitonmu muse ma dohot nyae ni si Naaman i. Sanga na andigan salolot-lolotna laing hona nyae na songon i ma pomparanmu!” Di na ruar si Gehasi sian i, hona ma tusia nyae i – mamontar ma kulitna i.

BILANGAN 12:10

ditinggalkon ombun i ma Bandar Parmianan Ni Tuhan, gabe tompu ma hona nyae kusta na jorbut si Miryam. Bontar huling-kulingnia songon hapas. Hatiha manaili si Harun tu si Miryam diida ia ma na dung hona kusta si Miryam.

MATEUS 10:8

Pamalum hamu ma angka na marnyae. Pangolu hamu ma angka na mate. Paias hamu ma angka na puruon. Paorot hamu ma angka na hona setan. Sude kuaso i inda na nigararan umbaen na nijagitmunu i. Jadi laing songon i ma, lehen hamu ma i, ulang pola pangido hamu gararna.

MATEUS 13:58

Hara ni i, gabe nada bahat hahomangan dibaen Jesus disi. Hara ni na so porsaya i halahi.

MATEUS 14:33

Gabe unduk ma angka anak siseanNia na di parau i marsomba tu Jesus. “Tutu do Anak Ni Debata Ho, Tuhan!” ninna halahi.

MATEUS 15:25

Tapi haru pe na dung didok Jesus songon i, laing ro do anak boru i tu Jesus. Marsomba-somba ia mandok hatania, “O, Tuhan, urupi ma au,” ning ia.

MATEUS 18:26

Hara ni i, gabe manungkap ma bayo i tu pat ni raja i mangidohon, ‘Tuannami, palapang ma jolo rohamu mida au. Hugarar pe sudena utangki,’ ning ia.

MATEUS 2:11

Masuk ma halahi tu bara i, diida halahi ma Dakdanak i dohot si Maria inangNia i. Dung i dibuat halahi ma panyimpanan ni silua ni halahi, marsomba ma halahi pasahatkon silua, angka sere, hamonyan dohot miak na huskus.

MATEUS 20:20

Dung i ro ma inang ni si Zebedeus rap dohot angka dakdanaknia tu Jesus. Unduk ma ia manyomba Jesus laho mangido sanga aha.

MATEUS 26:6

Hatiha di Betania Jesus, i ma di bagas ni si Simon na huliton na hinan,

MATEUS 28:17

Dung i diida halahi ma Jesus disi, tungkap ma halahi manyomba Ia. Tapi adong dope deba sian halahi na ganggu dope rohana.

MATEUS 28:9

Jadi ompot ma ro Jesus mandapotkon dadaboru i. Didok ma tu halahi, “Horas ma di hamu!” Dipadonok halahi ma tuSia, dihaol halahi ma patna i. Disomba halahi ma Ia!

MATEUS 4:9

Dung i ninna Sibolis i ma mandok Jesus, “Sudena i hulehen pe di Ho, muda ra Ho unduk marsomba tu au.”

MATEUS 8:1

Dung mijur Jesus sian dolok i, bahat do halak mangihutkon Ia.

MATEUS 8:25

Jadi disungguli anak siseanNia i ma Ia. Ninna halahi ma, “Ale, Tuhan! Palua ma hita, marmara ma hita!”

MATEUS 9:18

Dompak mangkata-hatai dope Jesus dohot anak sisean ni si Johannes i, ro ma sahalak pamimpin ni bagas paribadatan. Marsomba ma bayo i mandok hata tu Jesus, “On dope mate borungku, tapi ro ma jolo Ho manjamasa, anso mangolu ia.”

LUKAS 4:27

Songon i muse do di hatiha ni Panurirang Elisa, bahat do halak na hona panyakit kusta di Israel, hape umpe sahalak sian halahi na dipamalum; hum si Naaman halak Siria i sajo do.”

JOHANNES 9:38

“Porsaya do au Tuhan!” ninna bayo i, dung i manungkap ma ia marsomba di jolo ni Jesus.

BAENON NI ANGKA RASUL 10:14

Dialusi si Petrus ma, “Nada le Tuhan! Nada unjung dope hupangan na haram dohot na hodar.”

BAENON NI ANGKA RASUL 10:25

Dung masuk si Petrus, dialo-alo si Kornelius ma ia jana unduk ma ia di jolo ni pat ni si Petrus.

1 KORINTUS 14:25

Sanga aha na buni di bagasan rohania, dipatandahon ma i, gabe dipatoruk ia ma dirinia marsomba tu Debata. Okuonnia ma na tutu do Debata di tonga-tongamunu.

HALUMBAAN 19:10

Tungkap ma au di jolo ni surusuruan i giot marsomba tusia, tapi ning ia ma mandok tu au, “Ulang! Ulang pola marsomba ho tu au, Debata ma somba! Harana au pe laing naposo do songon ho jana sarupa dohot angka donganmu na marhasaksian taringot tu Jesus.” Somba ma Debata, angke anggo hasaksian taringot tu Jesus, i ma tondi hasurirangon.