MATEUS 7:2 - BIBEL JAMITA NA DENGGAN

² Harana songon uhum na niuhumkonmunu, songon i do niuhuman hamu muse; jana parsuhatan na nisuhatkonmunu i do niparsuhatkon tu hamu muse.

MATEUS 7:2 Iomraidhean Croise

2 SAMUEL 21:5

Alus ni halahi, “Anggo giot ni si Saul laho mamusa hami do nian lopus mago hami sian sude Israel.

MASMUR 109:17

Dibaen sai mamurai ia, sai hona bura nian ia! Dibaen na so ra ia mamasumasu, sai ulang ma adong tusia pasupasu!

HARURUAR 21:24

mata gonti ni mata, ipon gonti ni ipon, tangan gonti ni tangan, pat gonti ni pat,

JESAYA 33:1

Marjaya ma angka musunta! Manyamun do halahi jana manyegoi haru pe nian na hona samun halahi sanga disegoi. Tapi nada dapot halahi be hatiha laho mambaen songon i, halahi sandiri noma na hona samun dohot na dihianati.

JEREMIA 34:17

Hara ni i Au Tuhan mandok, anggo hamu madung mangalaosi tu parentangKu; nada dipalua hamu dongan sabangsomunu Israel. Antong saonnari Hulehen ma hamu bebas mamili: Bebas laho mate di partempuran, mate dibaen nyae masa, sanga mate tangkuraparon. Giot baenonKu mabiar bangso na satano on mida sipamasaonKu tu hamu.

JEREMIA 51:24

Didok Tuhan ma, “Ligi sandiri ma sanga na bia Hubaen mambaloskon tu Babel dohot halak na disi, sandok hajahatan na nibaen ni halahi maradopkon Jerusalem.

OBAJA 1:15

“Tutu do na dung donok arina, Au Tuhan giot uhumanKu angka bangso. Baloskonon ma tu Edom sandok na nibaennia. Jagitonnia ma mangulahi sanga aha na nilehennia.

MATEUS 6:14

Muda disesa hamu halak na marsala tu hamu, sesaon ni Amangmunu na di banua ginjang i muse ma salamunu.

MARKUS 4:24

Didok Jesus dope muse. “Parrohahon hamu ma sanga aha na nibegemunu on! Muda bahat do dikarejohon hamu, laing bahat muse ma lehenon ni Debata di hamu. Lobi dope sian na nihalojahonmunu. Tapi muda otik do dikarejohon hamu, otik muse ma jagitonmunu.

LUKAS 6:38

Lehen hamu ma tu halak na asing, anso laing dilehen Debata muse tu hamu; jagiton ni tanganmunu ma silehen-lehen maruse-use na dung nisuhat di hamu. Angke parsuhatan na nipakemunu tu halak na asing, laing i do parsuhatan na nipake tu hamu.”

2 KORINTUS 9:6

Timbang hamu ma jolo! Anggo halak na manyuan same saotik, otik muse do suha ni i buatonna. Tapi anggo halak na manyuan bahat same, laing bahat ma muse buatonna suha sian i.

JAKOBUS 2:13

Angke sanga ise halak na so maribo ni roha tu halak na asing, sidabuon do uhuman tusi so pola mardongan ibo ni roha. Tapi gumogo dope ibo ni roha ulang uhuman!

HALUMBAAN 18:6

Baen hamu ma tusia balos ni na nibaennia i tu hamu; dua noli lompit baloskon hamu sandok na nibaennia. Isi hamu ma mangkukna i dohot siinumon na dua noli lompit korasna sian siinumon na niparade di hamu.

HAKIM-HAKIM 1:7

Didok si Adoni-Besek, “Najolo madung hugotap inang ni jari ni pat dohot tangan ni pitu pulu raja, jana hupadiar halahi mangan sian teba-teba ni sipanganon na madabu sian mejangku. Saonnari dibaen Debata ma tu au dos songon na hubaen tu halahi.” Dioban do muse si Adoni-Besek on tu Jerusalem jana disi ma marujung ngolunia.

HAKIM-HAKIM 5:27

Di pat ni si Jael bustang ia nada marhosa payak di tano i ro ajalna.

1 SAMUEL 15:33

Didok si Samuel ma, “Songon podangmi na dung mambaen bahat halak agoan anak, laing songon i muse ma inangmu gabe agoan anak.” Dung i dijaljal si Samuel ma si Agag di jolo ni langgatan na di Gilgal i.