MATEUS 7:11 - BIBEL JAMITA NA DENGGAN

¹¹ Haru songon i pe jahatmunu, laing diboto hamu do mangalehen na denggan tu dakdanakmunu, mur Amangmunu na di banua ginjang i ma. Tontu lehenonNia do angka na denggan i di halak na mangido tuSia!

MATEUS 7:11 Iomraidhean Croise

PAMUNGKAAN 6:5

Di na nipamanat ni Tuhan, hape na sun do jahat ni jolma i sude di tano on, boti santak ni busuk ni angka pikiran ni halahi,

PAMUNGKAAN 8:21

Moga ma Tuhan dibaen uap na huskus sian haul somba-somba i, jana didok Tuhan ma di bagasan rohaNia, “Nanggo buraanKu be portibi on hara ni pangalaho ni jolma; Huboto, sian haposoon ni jolma i do jahat pikiranna. Nada uhumanKu be sude jolma na mangolu, songon na baru Hubaen i.

2 SAMUEL 7:19

Lobi sian i dope tehe dipatupa Ho, ale Tuhan Na Gumincat; madung dipajojor Ho muse dope janji taringot tu pomparanku di hatiha na giot ro. Jana dipatidahon Ho do i tu au haru pe hum jolma sajo au ale Tuhan Na Gumincat!

JOB 15:16

Mur jolma na rorang dohot na jurngit ma hape, na mandorguk hajahatan songon aek.

MASMUR 84:11

Angke pangondian na gogo do Tuhan Debata, na mangalehen sangap dohot basa-basa di hita. Sai marpupu do dilehen Ia hadenggananNia tu halak na patuluskon hagiotNia.

MASMUR 85:12

Marsuha ma tanonta na denggan lehenon ni Tuhan ma di hita.

MASMUR 86:15

Tapi anggo Ho, ale Tuhan, Debata parholong do Ho jana pardenggan basa. Holong ni rohaMu na manongtong i maradu marlobian parsobar do Ho jana tongtong haposan.

MASMUR 86:5

Angke na burju do Ho ale Tuhan, jana sai mangampuni do Ho sanga ise na martangiang tu Ho sai dihaholongi Ho do.

JESAYA 49:15

Dialusi Tuhan, ning Ia ma, “Adong ma he lupa sada ina, di anak na nitubuhonna? Dohonon ma he na so holong rohania di anaknia sandiri? Haru pe sugari lupa ina di dakdanakna tapi Au Tuhan, tu hamu nada ra lupa.

JESAYA 63:7

Giot paboaonKu do, holong ni roha ni Tuhan na so marhaujungan. Hupuji Ia hara ni sude pambaenanNia, pasupasuNia marlobian di hita bangsoNia. Angke gok ibo ni roha do Ia jana holong ni rohaNia nada marhasidungan.

JEREMIA 17:9

Nada tardodo anggo roha ni jolma umbisuk do i sian sasudena jana sun antong jahatna.

JEREMIA 33:14

Didok Tuhan, “Dapot do i hatihana, patulusonKu janji na Hubaen dohot Israel bope dohot Juda.

HOSEA 14:2

Mulak ma hamu tu Tuhan Debatamunu, ale bangso Israel! Dosamunu do mambaen hamu tarsilandit lalu tinggang.

MIKA 7:18

Nada adong Debata na songon Ho, ale Tuhan, na mangampuni dosa ni bangsoMu na teba i. Nada sapanjangna Ho muruk; balik tehe, sonang do rohaMu patuduhon holong ni rohaMu na so marparsuhatan i.

MALEAKI 1:6

Didok Tuhan Na Markuaso i ma tu angka malim, “Dipasangap anak ma amana, jana dipasangap naposo ma tuanna. Amangmu do Au; biasi nada dipasangap hamu Au? Tuanmunu do Au. biasi nada mabiar hamu mida Au? Dipalayas hamu Au, hape laing puluk muse do hamu manyapai, ‘Bia ma he hami baen palayaskon Ho?’

MATEUS 23:9

Dung i indangkon piohon hamu halak na di tano on, ‘Amang’ harana hum sada do Amangmunu, i ma Damang na di banua ginjang i.

MATEUS 7:10

Sanga na mangalehen ulok, muda mangido ihan anakna i?

JOHANNES 3:16

Angke songon i ma holong ni roha ni Debata di portibi on jabat dilehen Ia AnakNia na sasada i anso sude halak na porsaya tuSia nada mago, tapi maruli di ngolu na manongtong.

SURAT NI SI PAULUS TU PARLAGUTAN ROM 3:19

Tapi taboto do sude na tarsurat di Buku Tona dilehen do tu halahi na mangolu di toru ni Tona, anso nada adong sanga na ise be marsidalian jana sude portibi on hona uhuman ni Debata.

SURAT NI SI PAULUS TU PARLAGUTAN ROM 3:9

Jadi bia do na dumenggan dope hita hara ni halak Jahudi i hita, ulang pado halak na asing? Satutuna, nada! Madung tapajojor nangkin, sanga na halak Jahudi, sanga na halak na asing pe, sude do hita di toru ni kuaso ni dosa.

SURAT NI SI PAULUS TU PARLAGUTAN ROM 8:32

Ia na so mangolani anakNia sandiri, tapi dipasahat Ia do anakNa i hara ni hita sude; nada he lehenonNia muse tu hita sasudena na asing i rap dohot AnakNa i?

GALATIA 3:22

Hape di bagasan Buku Na Badia i tarsurat do bahaso sasudena jolma manusia madung di toru ni kuaso ni dosa. Jadi hara ni haporsayaan tu Jesus Kristus sajo noma tarlehen tu jolma na nijanjihon i, i ma tu halak na porsaya i.

JAKOBUS 1:17

Ganop silehen-lehen na denggan jana na sanggam sian banua ginjang i do ro; na nipaijur ni Debata na manompa sasudena na torang di langit i do sudena i. Ia do Debata na so muba-uba, jana nada mandao muse Ia sian hita, gabe adong do tading halinuNa humaliang hita.

1 JOHANNES 3:1

Ligi ma, sai godang do holong ni roha na nilehen ni Ama i tu hita, ma pola nigoar hita dakdanak ni Debata; jana na tutu do angka dakdanak ni Debata hita. Hara ni i nada ditanda portibi na jahat on hita, harana nada ditanda portibi on Debata.

1 JOHANNES 4:10

On do holong ni roha i: Nada hita parjolo mangkaholongi Debata tapi Debata do na mangkaholongi hita jana na marsuru AnakNia tu portibi on anso dapotan pardengganan hita taringot tu angka dosanta.