MATEUS 4:1 - BIBEL JAMITA NA DENGGAN

¹ Dung i ditogu Tondi i ma Jesus tu halongonan, anso diuji Sibolis Ia.

MATEUS 4:1 Iomraidhean Croise

PAMUNGKAAN 3:15

Marsihosoman ma ho dohot dadaboru i. Marsalisi ma torus pomparanna tu pomparanmu. Ropukkonon ni pomparannia ma ulumu jana turbingonmu ma tambihulna.”

1 RAJA-RAJA 18:12

Muda kehe au sian on, mungkin do obanon ni Tondi Ni Tuhan amang tu inganan na so huboto! Jana muda hupaboa tu si Ahab na dison amang, hape nada marsuo ia tu amang, tontu bunuonnia ma au, haru pe na marsitutu au na maribadat i tu Tuhan sian na menek.

2 RAJA-RAJA 2:16

jana didok halahi ma, “Lima pulu halak hami on, sude do na gogo-gogo. Hara ni i, beta ma tajalahi si Elia tuanmi. Betak na nioban ni Tondi Ni Tuhan do ia tu dolok sanga tu rura, gabe ditadingkon ia disi.” “Indangkon pola!” ning si Elisa mangalusi.

JEHESKIEL 11:1

Dung i diangkat Tondi i ma au lalu dioban tu pintu horbangan sabola Habincaran na di Bagas Ni Tuhan. Huida ma disi adong dua pulu lima halak halaklahi, dua halak sian i, i ma pamimpin ni bangso i, si Jaasanya anak ni si Asur dohot si Pelaca anak ni si Benaya.

JEHESKIEL 11:24

Di bagasan parnidaan i, diangkat Tondi Ni Debata ma au jana dipaulak tu angka jolma buangan na di Babel. Dung i mago ma parnidaan i.

JEHESKIEL 3:12

Dung i dioban Tondi Ni Debata ma au jana di pudingku hubege ma sora mangaronggur na mandok, “Puji ma hamuliaan ni Tuhan di banua ginjang!”

JEHESKIEL 3:14

Sun ma gogona didapotkon kuaso ni Tuhan i au jana taran na diangkatNa i au lalu dioban tondiNa i, paet jana milas ma huhilala ate-atengku.

JEHESKIEL 40:2

Di sada parnidaan, dioban Debata ma au tu Jerusalem jana dibaen ma au di dolok na gincat. Adong ma huida di jolongku saluhutan bangunan na tudos tu sada kota.

JEHESKIEL 43:5

Diangkat Tondi Ni Tuhan i ma au jana dioban tu alaman parbagasan i; huida ma disi Bagas Na Badia digohi sinondang ni haroro ni Tuhan i.

JEHESKIEL 8:3

Disurduhon Ia ma na tudos dohot tangan, jana dijingjing Ia ma obukku. Dung i di bagasan parnidaan i, diangkat Tondi i ma au tu holang-holang ni tano dohot langit jana dioban ma au tu Bagas Ni Tuhan na di Jerusalem, tu pintu masuk sabola Utara. Disi adong do patung ni gana-ganaan na dung pagurgur muruk ni Debata.

JOHANNES 14:30

Nada pola bahat be Au mandok hata tu hamu angke madung ro raja ni portibi on. Tapi nada markuaso i tu Au.

BAENON NI ANGKA RASUL 8:39

Dung ruar halahi sian aek i, dibuat Tondi Ni Tuhan ma si Pilipus sian i. Nada diida parpangkat na sian Etiopia i be ia. Tapi marjop ni roha ma ia mandalani sidalanannia.

SURAT NI SI PAULUS TU PARLAGUTAN ROM 8:14

Sanga ise na nitogu-togu ni Tondi Ni Debata, i do dakdanak ni Debata.

IBRANI 2:18

Dohot dalan na songon i, haurupan Ia ma sanga ise halak na hona pandugaan, harana Ia sandiri pe madung jungada hona pandugaan jana manaon parkancitan.

JAKOBUS 1:14

Tapi ganop halak digoda do marhite hagiotna sandiri na jahat i.