MATEUS 3:4 - BIBEL JAMITA NA DENGGAN

⁴ Sian imbulu ni unto do dibaen pakean na nipake ni si Johannes on. Bobatnia sian bobak. Siapor dohot aer ni loba do panganonnia.

MATEUS 3:4 Iomraidhean Croise

2 RAJA-RAJA 1:8

“Mamake baju juba jana marbobat huling-kuling ni binatang do,” ning halahi. “O, si Elia do i!” ning raja i marsurak.

JESAYA 20:2

Tolu taon taran so i, disuru Tuhan do si Jesaya anak ni si Amos mambuka solopna dohot abit goni na nipakenia. Dioloi ia do i, gabe mardalan ia marsae mara jana nada marsolop.

ZAKARIA 13:4

Di hatiha i maila ma angka panurirang hara ni parnidaanna songon sada panurirang, nada adong be sian halahi na mamake baju juba na marimbulu giot margabus.

MALEAKI 4:5

Ligi ma suruonKu ma tu hamu Panurirang Elia, patujolo ni ari ni Tuhan Na Markuaso jana na godang i.

MATEUS 11:18

Ro ma si Johannes – nada mangan, nada minum ia, hape didok halak ia ‘na hona setan!’

MATEUS 11:8

Aha do satutuna na giot ligionmunu? Halak na marpakean na jeges do? Anggo angka na marbaju na jeges di bagas godang do i!

MARKUS 1:6

Sian imbulu ni unto do pakean na nipake ni si Johannes. Bobak do bobatnia. Siapor dohot aer ni loba do panganonnia.

LUKAS 1:17

Angkon gabe suruan ni Debata do ia, na gogo jana markuaso songon si Elia. Padameonnia ma ama tu anakna, toguonnia ma halak na so pangoloi anso mulak tu dalan na sintong. Dibaen ia pe sudena i, na laho paradehon sada bangso do na dung singkop di Tuhan i.”

PANGARATAION 32:13

Tola ma halahi mangarajai partoran, di tano na marbatu inganan ni zetun martubuan. Panganon ni halahi do parbatu ni angka ladang minum aer ni loba harangan sian batu na marigang.

HALUMBAAN 11:3

SuruhononKu ma dua halak sangsingKu anso manyurirangi jana marpakean arsak ni roha, salolot saribu dua ratus onompulu ari.”