MATEUS 26:3 - BIBEL JAMITA NA DENGGAN

³ Jadi marlagut ma disi angka Sintua Ni Malim dohot angka hatobangon ni halak Jahudi di inganan ni si Kayafas Malim Godang i.

MATEUS 26:3 Iomraidhean Croise

MASMUR 56:6

Marlagut ma halahi di partabunian, jana pamanatkon sandok na nipambaenan, manjalahi hatiha na denggan laho mamunu au.

JEREMIA 11:19

Songon biri-biri na so mardongan biar do au na ditogu tu panyambolan. Nada huboto hapengani au do na giot honaan ni halahi di angka sangkap na jahat i. Didok halahi, “Tole ma hita taba bona ni hayu on dompak ra dope marbatu; tabunu ma i anso dihalupahon halak goarnia.”

JEREMIA 17:27

Tarjadi ma sudena i muda dung marpangoloion hamu tu Au jana diparbadia i hamu Ari Sabat i songon ari na mardohonan. Ulang maroban barang bagi aha pe hamu mamolus sian angka horbangan ni Jerusalem anggo di ari i. Muda dilanggar hamu do angka na Huparentahon i, tutungonKu abis angka horbangan ni Jerusalem i dohot angka bagas godang na disi jana nada haintopan api i.’ ”

MATEUS 26:69

Juguk-juguk ma si Petrus di ruar, di alaman i. Jadi ro ma sahalak anak boru naposo ni Malim Godang i mandok tu si Petrus, “Dohot do ho dongan ni Jesus halak Galilea i.”

MATEUS 27:27

Dung i dioban angka parajurit ni si Latus i ma Jesus masuk tu bagas paruhuman ni gubernur i. Marlagut ma tentara i sudena manghaliangi Jesus.

MARKUS 14:54

Sian na dao dipaihut-ihut si Petrus ma Jesus lopus tu alaman ni bagas ni Malim Godang i. Disi ma ia marsisudu rap dohot angka na mangawal i.

MARKUS 14:66

Dompak na di alaman i si Petrus ro ma tusi sahalak anak boru, i ma naposo ni Malim Godang i.

MARKUS 15:16

Dioban angka tentara i ma Jesus tu emper ni bagas godang inganan ni gubernur. Dung i dipio ma marlagut sude pasukan i.

LUKAS 22:55

Di tonga-tonga ni alaman i dipagara ma api jana dipadonok si Petrus ma tu lambung ni purunan i rap dohot halak na marjuguhan disi.

LUKAS 3:2

Na gabe Malim Godang, i ma si Hanas dohot si Kayafas. Hatiha i ma mangkatai Debata tu si Johannes anak ni si Zakaria di halongonan i.

JOHANNES 11:57

Madung diparentahon angka sintua ni malim dohot angka halak Parise, sanga ise na umbotoan di dia Jesus, angkon paboaon ni na umbotosa i ma i; anso tarbaen manangkup Jesus.

JOHANNES 18:24

Dung i disuru si Hanas ma dioban Jesus tu Malim Godang Kayafas laing tartambat.

JOHANNES 18:28

Dung i dioban halahi ma Jesus sian bagas ni si Kayafas tu inganan ni gubernur. Manyogot dope hatiha i. Anggo halak Jahudi i sandiri nada pola masuk tu bagasan inganan i, anso ulang gabe ramun halahi mangihutkon ugamo, hara ni na giot dohot halahi mangankon sipanganon Paskah.