MATEUS 24:3 - BIBEL JAMITA NA DENGGAN

³ Dung i kehe ma Jesus juguk di Dolok Zetun. Jadi hatiha na juguk i Ia, marroan ma angka anak siseanNia laho mangkatai dohot Ia sajo. “Paboa ma jolo tu hami sanga andigan do tarjadi sudena i,” ninna halahi manyapai Ia. “Dung i muse, aha ma tandana paboa na giot dapot ma haroroMu dohot hasidungan ni portibi on?”

MATEUS 24:3 Iomraidhean Croise

MATEUS 13:36

Dung i ditinggalkon Jesus ma halak na bahat i. Mulak ma Ia. Dung i ro ma anak siseanNia i mandapotkon Ia laho manyapai, “Paboa ma tu hami, sanga aha do astuan ni umpama taringot tu simareme-eme na di ladang i.”

MATEUS 13:49

Songon i ma pangalahona di ari na parpudi. Marroan ma angka surusuruan manyirang halak parjahat sian halak na patuluskon na nipangido ni roha ni Debata.

MATEUS 15:12

Dung i gabe didok anak siseanNia i ma tuSia, “Diboto Guru i dehe na goyak roha ni halak Parise i, umbege hata na nidok ni Guru i?”

MATEUS 16:27

Ro ne ma Anak Ni Jolma i, mardongan hasangapan ni AmangNia rap dohot angka surusuruanNia. Anggo disi, baloskononNia ma tu ganop jolma hombar tu pambaenan ni halahi be.

MATEUS 16:28

Hudok ma tu hamu: Sasintongna sian tonga-tongamunu na adong dison, adong do na so giot mate anggo so jolo diida ia Anak Ni Jolma i ro songon raja di bagasan harajaanNia.”

MATEUS 17:19

Dung i didapotkon angka anak siseanNia i ma Jesus hatiha sada Ia sajo. Disapai halahi ma tuSia, “Biasi nada tarpaorot hami setan i?” ninna halahi.

MATEUS 21:1

Dung donok halahi tu Jerusalem, lalu ma halahi tu Betpage na di lambung ni Dolok Zetun. Disuru Jesus ma dua halak siseanNia i parjolo.

MATEUS 24:27

Angke songon sondang ni hilap na sumiksak sian Habincaran marsinondang lalu tu Hasundutan, songon i ma parro ni Anak Ni Jolma i sogot.”

MATEUS 24:30

Dung i pe anso tarida tanda ni Anak Ni Jolma i di langit. Anggo disi tangis ma sude bangso na satano on, marsak. Diida halahi ma Anak Ni Jolma i ro di bagasan ombun mardongan kuaso dohot hasangapan godang.

MATEUS 24:37

Songon di hatiha ni si Noak, songon i ma saulahon pangalahona, muda ro Anak Ni Jolma i.

MATEUS 24:39

Jadi di na nitondong ni banjir i halahi sude, disi pe anso tarhalak halahi taringot tu na masa i. Laing songon i muse ma na giot masa, muda ro Anak Ni Jolma i.

MATEUS 24:43

Ingot hamu ma na Hudok on! Sugari diboto nampuna bagas, sanga tar andigan giot ro panangko, nada ra ia modom. Dung i nada padiaronnia masuk panangko i tu bagasan.

MATEUS 28:20

Laing ajari hamu ma halahi anso burju mangoloi sude na Huparentahon tu hamu. Botoonmunu ma. Au ma tongtong rap dohot hamu lopus tu hasidungan ni tano on.”

LUKAS 21:7

Disapai angka sisean i ma Jesus, “Andigan ma i tarjadi Guru? Jana aha ma tandana paboa na dung dapot hatihana pangalaho i tarjadi?”

BAENON NI ANGKA RASUL 1:7

Dialusi Jesus ma, “Damang do na umboto taringot tu ari dohot hatiha ni i. Nada porlu botoonmunu i, angke kuaso ni Damang do i.

IBRANI 9:26

Harana muda songon i do, gabe marpupu do Ia manaon parkancitan mamungka sian dung ditompa portibi on. Hape anggo satutuna, saonnari di hatiha na giot marujung on, hum sanoli sajo do Ia ro laho manyesa dosa markite-hite na mangalehen diriNa sandiri.