MATEUS 23:3 - BIBEL JAMITA NA DENGGAN

³ Hara ni i, angkon oloanmu jana ihutkononmunu do sude na nisuruhon ni halahi baenonmunu. Tapi ulang baen hamu songon na nibaen ni halahi. Harana nada didalankon halahi na niajarkon ni halahi.

MATEUS 23:3 Iomraidhean Croise

2 JUJUR TAON 30:12

Di Juda pe markarejo do Debata jana dipasada Ia do roha ni rayat i anso marsitutu mangoloi hagiot ni Debata marhite na mangihutkon parenta ni raja i dohot angka pagawena i.

HARURUAR 18:23

Muda tulus dibaen ho na songon i jana diparentahon Debata na songon i tu ho, tarkarejohon ho ma sude angka karejomu, jana halahi pe sonang be ma rohana mulak.”

MATEUS 21:30

Dung i kehe ma amangna i tu anaknia paduahon i mandokkon hata songon na parjolo i. Dialusi anaknia na paduahon i ma, ‘Olo amang,’ ning ia. Hape inda kehe ia.

MATEUS 23:2

“Juguk do angka Siboto Surat dohot halak Parise, di juguhan ni si Musa.

MATEUS 23:4

Angka karejo na maol-maol do disuru halahi baenon. Disuru halahi ma halak na asing mangoloi parenta ni halahi na borat-borat, hape halahi sandiri inda dohot padalankonsa.

BAENON NI ANGKA RASUL 5:29

Dialusi si Petrus dohot rasul na asing i ma, “Angkon Debata do ihutkononta, nada jolma.

SURAT NI SI PAULUS TU PARLAGUTAN ROM 13:1

Angkon sude do halak mangoloi pamarenta, angke nada adong pamarenta na so manjagit kuasona sian Debata. Jana pamarenta na adong pe, sian parenta ni Debata do i.

PANGARATAION 4:5

Madung huajarkon sude angka aturan i tu hamu, songon na niparentahon ni Tuhan Debata tu au. Karejohon hamu ma sudena i di tano na giot simasuhan dohot siingananmunu.

PANGARATAION 5:27

Antong Musa, ho ma kehe laho manangihon sandok na nidok ni Tuhan Debatanta i. Dung salpu i, angkon mulak ho laho palaluhon tu hami sanga aha, na nidokNa i tu ho. Tangi ma hami jana mangoloi.’

2 TIMOTEUS 3:5

Haru pe di sihapataran ringgas halahi mandalankon angka na niaturkon ni ugamo, tapi anggo hagogoon ni ugamo i sandiri nada adong be diboto halahi. Padao ma ho sian angka halak sisongon i.

TITUS 1:16

Pandok ni halahi, ditanda halahi do Debata, hape anggo sian parange ni halahi nada tarida na songon i. Jahat do roha ni halahi jana nada marpangoloion. Sada pe nada adong tarpatupa halahi na denggan.