MATEUS 21:8 - BIBEL JAMITA NA DENGGAN

⁸ Marsipahembang angka abitna ma halak na bahat na disi di dalan i. Adong ma deba na mambuat angka ranting-ranting ni hayu, diserakkon halahi ma i di tonga dalan i.

MATEUS 21:8 Iomraidhean Croise

2 RAJA-RAJA 9:13

Manigor marsibuat jubana ma angka dongan-dongan ni si Jehu; jana dipahembang halahi ma di tangga i di jolo ni si Jehu, jana marsarune ma halahi lalu marsurak, “Si Jehu noma rajanta!”

HAMALIMON 23:40

Di ari parjolo i ma ho mambuat parbatu ni suan-suananmu, buat muse ma angka bulung ni harambir dohot bulung sian dangka na rimbun, dung i mamungka ma pesta parayaan ugamo i laho pasangapkon Tuhan Debatamu.

MATEUS 21:7

Dioban halahi ma halode i dohot anakna i. Dipalanoi halahi ma halode na dua i dohot angka baju ni halahi. Dilombut Jesus ma tanggurungna i.

MARKUS 11:8

Jadi bahat ma halak marsipahembang abitna di dalan i, adong muse ma na manyerakkon angka ranting-ranting ni hayu di tonga dalan i, i ma na niparrampingkon ni halahi sian kobun-kobun i.

LUKAS 19:36

Jadi hatiha mamolus Jesus na marhalode i, diparpahembang angka jolma i ma pakean ni halahi di dalan i.

JOHANNES 12:13

Dung i diparrampingkon halahi ma mare-mare, kehe ma halahi mangalo-alo Jesus. Marsurahi ma halahi, “Hosana! Dipasupasu ma Ia na ro di bagasan goar ni Tuhan, Raja ni Israel!”