MATEUS 2:4 - BIBEL JAMITA NA DENGGAN

⁴ Disuru ia ma angka kapala ni malim dohot angka Siboto Surat anso marlagut. Dung i disapai ia ma tu halahi sanga na di dia Kristus i giot sorang.

MATEUS 2:4 Iomraidhean Croise

2 JUJUR TAON 34:13

dilehen ma karejona mangawasi na maroban bahan-bahan mangapalai parkarejo di angka parkarejoan na marragam, mangakarejohon administrasi dohot na manjago pintu.

2 JUJUR TAON 34:15

Didok si Hilkia ma tu si Safan, “Dapot au Buku Tona Ni Tuhan di Bagas Ni Tuhan.” Lalu dilehen ia ma buku i tu si Safan,

2 JUJUR TAON 36:14

Tamba ni i, dipahodar angka pamimpin ni Juda, angka malim dohot rayat do Bagas Ni Tuhan na dung dihapunjungkon tu Tuhan i sandiri, harana dohot do antong halahi sandiri marsomba gana-ganaan dohot mangihutkon parngoluon na mardosa songon angka bangso na asing na humaliang halahi.

ESRA 10:5

Jadi dipungka si Esra ma mambaen tindakan. Disuru ia ma angka malim-malim kapala ni angka halak Levi dohot angka halak Israel na deba nari anso marsumpa paboa na giot patuluson ni halahi ma usul ni si Sekanya i.

ESRA 7:6

Halak na marsikola do si Esra jana bahat do na binotonia salaho tu Uhum na nilehen ni Tuhan, Debata ni Israel tu si Musa. Dibaen dipasupasu Tuhan Debata do si Esra, gabe dilehen raja ma disia sandok na nipangidonia. Di taon papituhon mamarenta Raja Artahsasta, marangkat ma si Esra sian Babel manuju Jerusalem rap dohot sarombongan halak Israel, i ma angka malim, halak Levi, angka parende maradu panjago horbangan ni Bagas Ni Tuhan, dohot angka parkarejo.

MASMUR 2:2

Angka parkuaso pe rap burangkit mangalo Tuhan dohot raja na nipiliNia.

JEREMIA 8:8

Puluk do hamu antong mandok na malo hamu, jana na pistar salaho tu angka tona! Cubo hamu ma jolo mangaligi angka tona na Hulehen i madung dipauba angka panyurat na so tigor!

MALEAKI 2:7

Harana pamangan ni angka malim manjagohon parbinotoan jana dijalahi halak do pangajaran sian pamanganna, harana i do suruan ni Tuhan Na Markuaso.

MATEUS 13:52

Dung i ninna Jesus ma, “Hara ni i ma, sude Siboto Surat na dung mangguruhon Harajaan Ni Banua Ginjang i, gabe tarsongon sada halak tuan di sada bagas do i, na paruarkon sian panyimpananna sude barang-barangnia sigodang arga, na imbaru dohot na dung honok.”

MATEUS 2:3

Dung tarbege tu Raja Herodes barita i, tarsonggot situtu ma ia. Laing songon i dohot sude halak na di Jerusalem.

MATEUS 2:5

Dialusi halahi ma, “Di kota Betlehem do, i ma na di Luat Judea. Harana songon on do disuratkon panurirang,

MATEUS 21:15

Tapi muruk-muruk ma angka kapala ni malim dohot angka Siboto Surat Jahudi marnida angka hahomangan na masa i na nipatupa ni Jesus. Muruk muse ma halahi patangi-tangi angka dakdanak na marsurahi dohot na pio-pio di Bagas Ni Debata i, “Hosana ma di Anak Ni si Daud!”

MATEUS 21:23

Dung i mangulahi ma Jesus tu Bagas Ni Debata. Masuk ma Ia mangajari disi. Jadi hatiha na mangajar i Ia, marroan ma angka kapala-kapala ni malim dohot angka na tobang-tobang ni halak Jahudi manyapai tuSia, “Marhite kuaso dia do dipambaeni Ho sudena on? Ise do na mangalehen kuaso i tu Ho?”

MATEUS 26:3

Jadi marlagut ma disi angka Sintua Ni Malim dohot angka hatobangon ni halak Jahudi di inganan ni si Kayafas Malim Godang i.

MATEUS 26:47

Mangkatai dope Jesus, ro ma si Judas, i ma sahalak sian anak siseanNia na dua bolas i. Ro muse ma rap dohot ia bahat halak maroban podang dohot potuk-potuk. I ma angka na nisuru ni angka kapala ni malim dohot angka hatobangon ni halak Jahudi.

MATEUS 27:1

Dung torang arina i martahi ma sude angka Sintua Ni Malim dohot angka hatobangon ni halak Jahudi manontuhon sanga na bia baenon ni halahi mamunu Jesus.

MATEUS 7:29

Harana nada songon pangajari ni angka Siboto Surat ni halahi i pangajar ni Jesus, tapi marsahala do.

MARKUS 8:31

Dung i dipungka Jesus ma mangajarkon tu angka anak siseanNia paboahon angkon bahat parkancitan taonon ni Anak Ni Jolma i. Dialo angka pamimpin dohot angka sintua ni malim dohot angka Siboto Surat i ma Ia. Bunuon ni halahi ma Ia, tapi dung tolu ari, mulak mangolu ma Ia mangulahi.

LUKAS 20:19

Diboto angka Siboto Surat ni Jahudi dohot angka kapala ni malim i do na tu halahi tujuan ni Jesus di umpama i. Hara ni i giot tangkupon ni halahi ma Jesus, tapi mabiar halahi mida angka jolma i.

LUKAS 23:10

Mangadop muse do disi angka kapala ni malim dohot angka Siboto Surat manuhas Jesus dohot angka tuduan na borat-borat.

JOHANNES 18:3

Dung i ro ma si Judas tu inganan i, dioban ia ma saparangan tentara dohot angka panjago ni Bagas Ni Debata na nisuru ni angka sintua ni malim dohot halak Parise. Maroban sinjata do halahi, lampu dohot sulu.

JOHANNES 3:10

Dialusi Jesus ma, “Guru ni halak Israel ma ho, hape hum i pe so diboto ho?

JOHANNES 7:32

Dibege halak Parise ma hata-hata ni halak na bahat taringot tu Jesus. Jadi hara ni i, disuru halahi ma dohot angka sintua ni malim, piga-piga halak panjago ni Bagas Ni Debata anso kehe manangkup Jesus.

JOHANNES 8:3

Jadi laing di hatiha i marroan ma angka Siboto Surat dohot angka Parise maroban tuSia sada anak boru na tardapot markamainan. Dipajongjong halahi ma anak boru i di tonga-tonga,

BAENON NI ANGKA RASUL 23:9

Jadi gabe gaor sajo ma halahi. Adong ma deba guru na sian pihak ni Parise jongjong mangalo marsitutu. Didok halahi ma, “Anggo mangihutkon pandapotnami nada adong sala ni bayo on! Arongku na adong do ro tondi sanga surusuruan mangkatai dohot ia!”

BAENON NI ANGKA RASUL 4:5

Ancogotna i marlagut ma angka pamimpin ni halak Jahudi, angka hatobangon, dohot angka Siboto Surat di Jerusalem.

BAENON NI ANGKA RASUL 6:12

Songon i ma panjajang-jajang ni halahi di jolma i dohot angka hatobangon ni halak Jahudi, songon i dohot angka Siboto Surat i.