MATEUS 2:1 - BIBEL JAMITA NA DENGGAN

¹ Di kota Betlehem do hasosorang ni Jesus, i ma kota na di Luat Judea. Si Herodes do raja ni luat i di hatiha i. Jadi ro ma di hatiha i piga-piga halak angka parilmu bintang sian Habincaran tu Jerusalem.

MATEUS 2:1 Iomraidhean Croise

PAMUNGKAAN 10:30

Tano inganan ni halahi mulai sian Mesa lalu tu Sefar, i ma luat na mardolok-dolok di sabola Habincaran.

PAMUNGKAAN 25:6

dompak di ngolunia bahat do diparleheni ia silehen-lehen tu angka dakdanaknia na nitubuhon ni angka dongan saripenia na asing i. Dung i disuruhon ia ma angka dakdanaknia i marpindaan tu luat Habincaran ni Kanaan, anso dao be sian si Ishak anaknia i.

PAMUNGKAAN 41:8

Jadi dung torang ari, marsak ma da roha ni raja i, gabe disuru ia ma anso dipio sude datu parelmu dohot halak na pistar na adong di Mesir. Jadi dipaboa ia ma nipinia i tu halahi; tapi sahalak pe nada adong na tarbaen patorangkon astuanna.

PAMUNGKAAN 49:10

Tiopon ni si Juda ma tungkot harajaon. Mamarenta ma pomparanna sapanjangna. Marroan ma angka bangso pasahat somba-sombana. Jana manungkap tanda tunduk di jolona.

1 RAJA-RAJA 4:30

Di angka luat na di Habincaran dohot na di Mesir nada adong halak na ummalo sian ia.

1 JUJUR TAON 2:51

Si Salma anaknia na paduahon, i ma na mamungka kota Betlehem; jana si Harep anaknia patoluhon, i ma na mamungka kota Bet-Gader.

JOB 1:3

Tamba ni i bahat do angka naposonia, pitu ribu biri-birinia, unto tolu ribu, lombu saribu dohot halode lima ratus. Pendek hata dohonon, ia ma na kumayo sian sude halak na maringanan di Luat Habincaran.

JESAYA 11:10

Dapot do hatihana, ro sada raja pomparan ni si Daud na gabe pamusatan ni roha ni angka bangso. Marlagut ma halahi di kota ni harajaan jana mangalehen sangap tusia.

MIKA 5:2

Hara ni i padiaronnia ma halahi lopus tubuan anak sada dadaboru na denggan hian pamatangna. Dung i pasadaonna ma mangulahi angka dongan sabangsona na adong di habuangan dohot bangso ni halahi.

MATEUS 1:25

Tapi salolot di pamatang ni si Maria Dakdanak i, inda unjung rap modom si Josep dohot si Maria. Jadi dung sorang Dakdanak i, dibaen si Josep ma goarna Jesus.

MATEUS 2:16

Dung diboto si Herodes na dung dipaoto-oto ni parilmu bintang na sian Habincaran i ia, gabe muruk sajo ma ia. Diparuar ia ma parenta anso dibunu sude dakdanak halaklahi na marumur dua taon tu toru na adong di kota Betlehem dohot na humaliang i. Dipahombar ma i tu hatorangan na nitangkasannia sian angka parilmu bintang i.

MATEUS 2:19

Dung mate si Herodes, diida si Josep ma mangulahi sahalak surusuruan di bagasan nipinia.

MATEUS 2:3

Dung tarbege tu Raja Herodes barita i, tarsonggot situtu ma ia. Laing songon i dohot sude halak na di Jerusalem.

MATEUS 2:5

Dialusi halahi ma, “Di kota Betlehem do, i ma na di Luat Judea. Harana songon on do disuratkon panurirang,

MATEUS 2:7

Dung dapot Raja Herodes hatorangan i, disuru ia ma parilmu bintang na sian Habincaran i marsuo dohot ia di na buni. Dung i disapai ia ma halahi satangkas-tangkasna sanga sadihari do mamungka tarida bintang i.

LUKAS 1:5

Hatiha si Herodes gabe raja di Luat Judea, adong ma sada malim na margoar si Zakaria. Masuk tu horong ni Malim Abia do ia. Dadaborunia margoar si Elisabet, laing sian pomparan ni malim muse.

LUKAS 2:11

Madung sorang sadari on di Kota Ni si Daud, Sipalua i, i ma Kristus Tuhan i.

LUKAS 2:15

Dung ditinggalkon surusuruan i angka parmahan i giot mulak halahi tu banua ginjang, marsipandohonan ma angka parmahan i sama halahi, “Beta ma hita tu Betlehem anso taida na masa i, na nipaboa ni Tuhan i tu hita.”

JOHANNES 7:42

Harana di Buku Na Badia i tarsurat, sian pomparan ni si Daud do Kristus i jana sorang di Betlehem, i ma Kota Ni si Daud i.”

HAKIM-HAKIM 17:7

Laing di hatiha i adong ma sada halak doli-doli sian Marga Levi jana marasal sian kota Betlehem na di tano Juda.