MATEUS 13:3 - BIBEL JAMITA NA DENGGAN

³ Diajarkon Jesus ma tu halahi marragam-ragam pangalaho. Mardongan umpama do dibaen Ia na mangajari i. “Adong ma sada halak partani, na kehe giot manyabur same.” Songon i ma dipungka Jesus caritoNia i.

MATEUS 13:3 Iomraidhean Croise

MASMUR 49:4

Parrohahononku ma hata pandohan, lalu mamiltik hasapi, hupatorang impolana.

MASMUR 78:2

Giot dokkononku ma pandohan dohot umpama, patorangonku ma torkan-torkanan sian narobi.

JEHESKIEL 17:2

Ale anak ni jolma parsantongkinan, hatahon ma sada umpama tu Israel.

JEHESKIEL 20:49

Jadi hudok ma: “O ale Tuhan Debata, didok halahi tu au: Nada he hum angka hata sindiran do didok ia?”

MIKA 2:4

Anggo di hatiha i, caritohonon ni halak ma na nitaonmunu gabe tudosan ni parmaraan, jana baenonna ma ende hamarsahan songon on, ‘Madung mago hita! Pusako ni bangsongku madung disuhat dohot tali, jana nada adong be halak na paulakkonsa, angka kobunta pe madung di bagi-bagihon tu halak na manaban hita.’ ”

HABAKUK 2:6

Tapi anggo angka bangso na dipatunduknia, sai manyindir ma i jana pacia-ciahon tusia. Dokkonon ni halahi ma, “Sai hona bura ma ho hara ni na pagukguk harto na so ho nampunasa! Sadia honok nari he sai pakayoonmu dirimu marhite na mamaksa angka halak na marutang tu ho anso digarari halahi utangna?”

MATEUS 13:4

“Jadi dompak na manyabur same i ia, adong ma na mangkadabu tu topi ni dalan i, gabe ro ma unggas, dipangan ma i.

MATEUS 13:53

Dung sidung dicaritohon Jesus sude angka umpama i, kehe ma Ia sian inganan i.

MATEUS 22:1

Dung i didok Jesus ma mangulahi umpama.

MATEUS 24:32

“Marguru ma hamu sian bona ni gala-gala. Muda rata rantingna i boti loyok, ruar muse ma angka pusukna, botoonmunu ma na giot dapot ne ma musim panas.

MARKUS 12:1

Dung i dipungka Jesus ma marumpama laho mandok hata tu angka sintua ni malim i dohot angka Siboto Surat bope tu angka hatobangon ni halak Jahudi i. Ning Ia ma, “Adong ma sada bayo na markobun anggur. Dihandang ia ma kobun anggurnia i humaliang. Dung i dihuar ia ma pamoroan ni anggur i, dipajongjong ia muse ma sada tuhu-tuhu inganan ni panjago. Dung i dipabolahon ia ma kobun anggurnia i, ia pe kehe ma tu luat na asing.

MARKUS 12:12

Jadi sude angka pangituai ni halak Jahudi na umbege umpama nangkin, rap manjalahi dalan ma laho manangkup Jesus. Harana diboto halahi do, halahi sandiri do na nidok ni Jesus di umpamana i. Tapi mabiar do halahi di halak na bahat i, gabe ditinggalkon halahi ma Jesus.

MARKUS 3:23

Dung i dipiohon Jesus ma halak na bahat i, dicaritohon Ia ma piga-piga umpama tu halahi. “Bia ma pangusir ni Sibolis di Sibolis?

MARKUS 4:13

Dung i didok Jesus ma tu halahi, “Anggo inda diastui hamu be umpama sinangkin, bia muse ma pangastuimunu di angka umpama na asing?

MARKUS 4:33

Songon i ma dibaen Jesus pabolkaskon jamita na sian Debata tu angka jolma i mamake angka umpama na songon i, na mura astuan ni halak.

LUKAS 12:41

“Tu hami do na nidokmu pangajaran i, Tuhan, sanga tu sude halak?” ning si Petrus manyapai.

LUKAS 8:10

Ninna Jesus ma mangalusi, “Madung dilehen anggo di hamu parbinotoan laho umboto sibunian ni Harajaan Ni Debata. Tapi anggo tu halak na asing mamake umpama do dipaboa taringot tusi, anso ulang diida halahi haru pe nian manaili halahi; haru pe marbinege halahi tapi nada mangarti.”

JOHANNES 16:25

“Markite-hite umpama do sudena i Hupatorang tu hamu. Tapi ro do hatihana, nada pola marumpama be Au muda mandok hata tu hamu. Torus tangkas noma dokkononKu tu hamu taringot tu Ama i.