MATEUS 10:2 - BIBEL JAMITA NA DENGGAN

² Angka on ma goar ni halahi na dua bolas i: Parjolo si Simon (na margoar muse si Petrus) dohot anggina si Andreas, dung i si Jakobus dohot anggina si Johannes, i ma anak ni si Zebedeus.

MATEUS 10:2 Iomraidhean Croise

MATEUS 17:1

Dung onom ari, dioban Jesus ma si Petrus dohot si Jakobus dohot angginia si Johannes tu puncut ni sada dolok na gincat. Hum halahi sajo do disi.

MATEUS 20:20

Dung i ro ma inang ni si Zebedeus rap dohot angka dakdanaknia tu Jesus. Unduk ma ia manyomba Jesus laho mangido sanga aha.

MATEUS 26:37

Dung i dipiohon Ia ma anso dohot si Petrus rap dohot anak ni si Zebedeus na dua i kehe rap dohot Ia. Mamungka ma idaon marsak Ia disi, susa sajo.

MATEUS 4:18

Dompak mardalan Jesus di topi ni Dano Galilea, diida Ia ma dua halak parihan. Markaha-maranggi do halahi na dua. I ma si Simon (na margoar muse si Petrus) dohot angginia si Andreas. Hatiha manangkup ihan do halahi, angke marihan do karejo ni halahi.

MATEUS 4:21

Didatdati Jesus ma na mardalan i. Diida Ia ma dua halak nari na markaha-maranggi, i ma si Jakobus dohot si Johannes anak ni si Zebedeus. Na topet rap do halahi dohot amang ni halahi paturehon jala di bagasan parau i. Dipiohon Jesus muse ma halahi.

MARKUS 1:29

Kehe ma Jesus dohot angka anak siseanNia i, torus ma halahi tu bagas ni si Simon dohot si Andreas. Dohot do si Jakobus dohot si Johannes rap dohot halahi.

MARKUS 13:3

Dung lalu halahi tu Dolok Zetun, juguk ma Jesus di sada juguhan na topet paadop-adop dohot Bagas Ni Debata. Dung i ro ma si Petrus, si Jakobus, si Johannes dohot si Andreas giot mangkatai dohot Ia.

MARKUS 6:30

Jadi marmulahan ma angka rasul na nisuru ni Jesus i. Marlagut ma halahi rap dohot Jesus. Dipaboa halahi ma tuSia sudena na nibaen ni halahi dohot na niajarkon ni halahi.

LUKAS 11:49

Hara ni i didok habisukon ni Debata i ma, ‘Husuru ma angka panurirang dohot angka rasul tu halahi, jana deba sian angka panurirang dohot sian angka rasul i bunuon jana parkancitan ni halahi ma.’

LUKAS 22:14

Dung dapot hatihana mangan sipanganon Paskah i, juguk ma Jesus rap dohot angka siseanNia i.

LUKAS 22:8

Dung i disuru Jesus ma si Petrus dohot si Johannes. Didok Jesus ma tu halahi, “Kehe ma hamu pasingkopkon panganon Paskah di hita.”

LUKAS 5:10

Laing songon i muse ma angka dongan ni si Simon, i ma si Jakobus dohot si Johannes dakdanak ni si Zebedeus. Didok Jesus ma tu si Simon, “Ulang ho mabiar! Mamungka saonnari gabe sijala jolma noma ho.”

LUKAS 9:10

Mulak ma angka rasul ni Jesus i jana dicaritohon halahi ma tu Jesus sude na dung dikarejohon halahi. Dung i dioban Jesus ma halahi tu sada kota na margoar Betsaida.

JOHANNES 12:22

Dung i kehe ma si Pilipus paboahon i tu si Andreas, gabe rap ma halahi na dua paboahonsa tu Jesus.

JOHANNES 13:23

Tapi adong ma sahalak sisean haholongan ni roha ni Jesus juguk di lambungNia.

JOHANNES 20:2

Dung i marlojong ma ia manjalahi si Simon Petrus dohot sisean na asing haholongan ni Jesus i, didok ia ma tu halahi, “Madung dibuat halak bangke ni Jesus; nada hami boto sanga di dia dipayakkon bangkeNa i!”

JOHANNES 21:2

Lagut ma hatiha i si Simon Petrus dohot si Tomas na nigoaran muse si Linduat, dohot si Natanael halak Kana na di Galilea, songon i muse angka anak ni si Zebedeus rap dohot dua halak nari sisean ni Jesus na asing.

JOHANNES 21:20

Di na manaili si Petrus, diida ia ma sisean haholongan ni Jesus i di pudinia. (I ma na juguk di lambung ni Jesus hatiha na mangan borngin-borngin i, na manyapai tu Jesus, “O Tuhan, ise dehe na giot manghianat i tu Ho?”)

JOHANNES 21:24

Jadi sisean on ma na mangalehen hasaksian taringot tu angka na masa on. Laing ia muse do na manyuratkon on. Jana taboto do bahaso na tutu na nidoknia i.

JOHANNES 6:67

Dung i disapai Ia ma siseanNia sidua bolas halak i, “Adong he na giot tadingkononmunu muse ma Au?”

JOHANNES 6:70

Dialusi Jesus ma tu halahi, “Au do nian mamili hamu na dua bolas halak on. Tapi haru songon i pe gabe songon Sibolis do sahalak sian hamu!”

JOHANNES 6:71

Si Judas anak ni si Simon Iskariot do na nidok ni Jesus disi. Angke haru pe sahalak sian sidua bolas halak i si Judas, ia do na giot manghianat tu Jesus.

JOHANNES 6:8

Sahalak sian sisean ni Jesus na asing, i ma si Andreas anggi ni si Simon Petrus, mandok:

BAENON NI ANGKA RASUL 1:13

Dung di Jerusalem, masuk ma halahi tu bagas panompangan ni halahi i torus tu kamar na di lotengna i. Angka on ma goar-goar ni rasul i: Si Petrus dohot si Johannes, si Jakobus dohot si Andreas, si Pilipus dohot si Tomas, si Bartolomeus dohot si Mateus, si Jakobus anak ni si Alpeus, si Simon Ulubalang i dohot si Judas anak ni si Jakobus;

BAENON NI ANGKA RASUL 1:26

Dung i diundi halahi ma goar na dua i, jadi madabu ma tu si Matias. Jadi diangkat halahi ma ia gabe rasul anso rap dohot angka rasul na sabolas halak nari i.

BAENON NI ANGKA RASUL 12:2

Hara ni parentania, dibunu ma si Jakobus anggi ni si Johannes dohot podang.

BAENON NI ANGKA RASUL 3:1

Sanoli rap kehe ma si Petrus dohot si Johannes tu Bagas Ni Debata pukul tolu andospotang, i ma hatiha ni na martangiang.

1 KORINTUS 15:7

Dung i dipatidahon Kristus i muse dope Ia tu si Jakobus, jana tu sudena angka rasul i.

EPESUS 4:11

Ia do “na mambagi-bagihon angka silehen-lehen tu jolma,” tu na deba dilehen Ia silehen-lehenNia anso gabe rasul, tu na asing anso gabe panurirang; tu na deba nari muse anso gabe parjamita di Jamita Na Denggan i, jana tu na asing muse dilehen Ia silehen-lehenNia anso gabe panjago ni parlagutan dohot angka guru.

IBRANI 3:1

Hara ni i ale angka dongan na badia, na dohot taruli di pio-pio na sian banua ginjang, ligi hamu ma rasul dohot Malim Godang na taoku i, i ma Kristus Jesus.

1 PETRUS 1:1

Sian si Petrus rasul ni Jesus Kristus, tu angka halak na ro, na marserak di Pontus, Galatia, Kapadokia, Asia dohot Bitinia, i ma angka halak na nipili,

2 PETRUS 1:1

Sian si Simon Petrus, naposo jana rasul ni Jesus Kristus, tu angka na rap dohot hami manjagit haporsayaan i markite-hite hatigoran ni Debatanta dohot Sipalua hita, Jesus Kristus.

2 JOHANNES 1:1

Sian Sintua tu Ina na dung tarpili dohot tu angka dakdanakna na huhaholongi. Nada hum au sajo na mangkaholongi hamu, tapi dohot do sude halak na dung mananda hasintongan i.

3 JOHANNES 1:1

Sian Sintua tu si Gayus na nihaholongan, na huhaholongi di bagasan hasintongan i.

HALUMBAAN 1:1

On ma halumbaan ni Jesus Kristus, na nilehen ni Debata diSia anso dipatidahon Ia i tu angka naposoNia taringot tu angka na giot masa. Jana madung dipatangkas jana ditongos Ia i markite-hite surusuruanNia tu naposoNia si Johannes.

HALUMBAAN 1:9

Si Johannes do au, kahanggi bope donganmunu saparjuangan na topet manaon parkancitan, di harajaan dohot di pohom ni roha paintehon Jesus. Na tarbuang do au di pulo Patmos hara ni na pararatkon jamita na sian Debata na nipasahat ni Jesus.

HALUMBAAN 18:20

Marjop ni roha ma hara ni ia, ale banua ginjang, dohot hamu halak na badia, angka rasul dohot angka panurirang, harana madung diuhumi Debata ia hara ni pambaenannia maradopkon hamu!

HALUMBAAN 22:8

Au si Johannes, madung hubege jana huida i sudena. Dung sidung hubege jana huida, tungkap ma au di jolo ni surusuruan na patidahon sasudena i tu au, giot marsomba ma nian au tusia,