MASMUR 81:3 - BIBEL JAMITA NA DENGGAN

³ Ombus ma sarune di ari pestanta, di pesta bulan baru dohot bulan tula.

MASMUR 81:3 Iomraidhean Croise

2 RAJA-RAJA 4:23

“Biasi ingkon sai saonnari ho kehe?” ning halaklahinia i manyapai. “Nada Ari Sabat da sadari on, jana nada Ari Pesta Bulan Na Imbaru.” “Nada pola na bia,” ning ia.

1 JUJUR TAON 15:16

Laing disuru si Daud muse ma angka pamimpin ni halak Levi i anso didok halahi sanga na piga-piga halak sian marga ni halahi laho marende na marlogu jop ni roha mamake hasapi dohot simbal.

1 JUJUR TAON 16:42

Laing si Heman muse do dohot si Jedutun dibaen mangurus sarune, simbal dohot alat musik na asing laho pariburkon angka ende puji-pujian. Angka dongan sahorong ni si Jedutun na deba nari, markarejo ma i laho manjago pintu horbangan.

1 JUJUR TAON 16:6

jana dua halak nari malim, i ma si Benaya dohot Jahasiel, i ma na torus mamalu sarune di jolo ni Poti Parjanjian i.

1 JUJUR TAON 25:1

Laho mamimpin angka pardalan ni ibadat, dipili si Daud rap dohot angka pamimpin ni halak Levi ma sian angka horong ni halak Levi: Si Asap, si Heman dohot si Jedutun. Palalu angka tona na sian Debata ma tugas ni halahi, mardongan sora ni musik hasapi, gambus dohot simbal. Angka na mamimpin ibadat rap dohot sude pardalan na jojor mangihutkon rombonganna, dipili ma angka halak na nipajojor di toru on:

2 JUJUR TAON 13:12

Debata sandiri do anggo pamimpinnami jana dison do angka malimNia. Ma pola rade halahi laho mangombus sarune songon tandana di hami laho mamorangi hamu. O, hamu halak Israel, ulang alo hamu Tuhan, Debata ni ompumunu! Nada bolas monang hamu!”

2 JUJUR TAON 13:14

Di na niida ni pasukan ni Juda na hona hobuk halahi, marsurak ma halahi mangido tolong tu Tuhan. Diombus angka malim ma sarune,

2 JUJUR TAON 2:4

Saonnari au giot mambangun bagas paribadatan na khusus di Tuhan Debatangku. Giot di bagas i ma au dohot rayatku maribadat dohot manutung dupa dohot angka na huskus. Giot tongtong paradeonnami roti na rade diSia. Giot haulkononnami haul situtungon ganop sogot dohot ganop potang, ganop Ari Sabat, Ari Pesta Bulan Na Imbaru dohot di ari na mardohonan na asing i na ditotopkon ni Tuhan Debatanami laho pasangapkon Ia. Na dung diparentahon Ia do i anso patuluson ni halak Israel sapanjangna.

2 JUJUR TAON 8:13

Mangihutkon uhum ni si Musa do dibaen ia pasahatkon angka haul i di ganop ari pesta: Di Ari Sabat, Ari Pesta Bulan Baru, dohot ari pesta na tolu siganop taon, i ma Ari Pesta Ni Roti Na So Marragi, Ari Pesta Paskah, dohot Ari Pesta Undung-undung Bulung Rata.

MASMUR 149:3

Puji ma goarNa markite-hite angka tortor, puji hamu ma Ia mardongan hasapi dohot gondang!

MASMUR 33:2

Dok ma tarimakasi tu Tuhan mardongan hasapi, marende ma diSia mardongan sora ni musik.

MASMUR 98:6

Palu hamu ma sarune dohot sangkakala, marsurak ma hamu di Tuhan, Rajanta.

ANDUNG 2:6

BagasNia sandiri pe na dung dironcohon Ia do; lupa dibaen Ia halak di Sion tu Ari Sabat dohot tu ari pesta. Hara ni santakna muruk ni Tuhan, malim pe dohot raja nada be niakuan.

NAHUM 1:15

Ligi da, ro do sada suruan mamolus sian angka dolok, maroban jamita na denggan, barita hamonangan. Ale bangso Juda, pestahon ma ari pestamu jana haulkon ma haulmu tu Debata. Nada rajaan ni parjahat be tanomu. Ma pola sude halahi diabiskon.

BILANGAN 15:3

Tu haul situtungon sanga haul manggarar niet, sanga haul sian jop ni roha sanga pe angka haul di ari pesta ni ugamo na somal, tola do dihaulkon halahi tu Tuhan angka on: sada lombu jantan, sada biri-biri jantan, sada biri-biri sanga sada hambeng. Uap ni haul sipanganon i pajopkon roha ni Tuhan.

BILANGAN 28:11

“Ganop bona ni bulan angkon haulkonon tu Tuhan haul situtungon, i ma: dua lombu jantan na poso, sada biri-biri jantan, pitu anak ni biri-biri jantan na marumur sataon, sudena i na so martihas.

PANGARATAION 16:15

Pitu ari honokna angkon hagodangkononmunu pesta on laho pasangapkon Tuhan di inganan paribadatan na sada i. Marjop ni roha ma hamu hara ni na nipasupasu ni Tuhan panen dohot karejomunu.

KOLOSSE 2:16

Jadi hara ni i, ulang ma padiar hamu digorahon halak hamu hara ni sipanganon sanga siinumon sanga hara ni ari pesta ni ugamo, sanga angka pesta poltak ni bulan sanga pe hara ni Ari Sabat.